الیکشن کمیشن نے امیدواروں کی حتمی فہرست جاری کر دی، حتمی فہرست کے مطابق پنجاب سے سینٹ کے 16 امیدوار میدان میں ہیں۔

الیکشن کمیشن نے 7 جنرل نشستوں پر 7 امیدواروں کو حتمی قرار دے دیا، دو ٹیکنوکریٹ نشستوں پر تین امیدوار میدان میں ہیں، خواتین کی دو نشستوں پر چار امیدوار میدان میں ہیں جبکہ پنجاب سے اقلیت کی ایک نشست کے لیے دو امیدوار میدان میں ہیں۔

7 جنرل نشستوں پر مسلم لیگ نون چار نشستوں کے ساتھ سب سے زیادہ سیٹیں حاصل کرنے والی جماعت بن گئی، مجلس وحدت مسلمین کے علامہ راجہ ناصر عباس بلا مقابلہ جیت گئے۔

سنی اتحاد کونسل کے حامد خان بلا مقابلہ قرار دے دیئے گئے جبکہ مسلم لیگ نون کے پرویز رشید، طلال چودھری ، ناصر محمود اور احد چیمہ بلا مقابلہ قرار دے دیے گئے ہیں۔

خواتین کی دو نشستوں کے لیے مسلم لیگ ن کی انوشہ رحمان اور بشر انجم بٹ امیدوار ہیں جبکہ پیپلز پارٹی کی فائزہ ملک اور سنی اتحاد کونسل کی صنم جاوید میدان میں ہیں۔

 اقلیتوں کی ایک نشست کے لیے مسلم لیگ ن کے خلیل طاہر سندھو اور سنی اتحاد کونسل کے آصف عاشق حتمی فہرست میں شامل ہیں، دو اپریل کو پنجاب اسمبلی میں ووٹنگ ہوگی۔