مریم نواز شریف نے کہا ہے کہ رنگ روڈ سدرن لوپ تھری سے عوام کو آمد و رفت میں آسانی ہوگی۔

 وزیر اعلیٰ پنجاب مریم نواز شریف نے صبح سویرے لاہور رنگ روڈسدرن لوپ تری پراجیکٹ کا دورہ کیا جہاں انہوں نے ایس ایل تھری  پراجیکٹ کی جلد تکمیل کا حکم دیا۔

دورے کے دوران مریم نواز کو بریفنگ دیتے ہوئے کہا گیا کہ جنوبی پنجاب سے آنے والی ٹریفک شہر  سے گزرے بغیر منزل پر پہنچ سکے گی، لاہور رنگ روڈ سدرن لوپ تھری کی دونوں اطراف 8,8کلومیٹر طویل ہیں۔

مریم نواز شریف نے رنگ روڈ ایس ایل فور کی تعمیر کے لیے ضروری اقدامات کی ہدایت بھی دی، ایس ایل 4 مراکہ سے شرق پور انٹر چینج ایم تھری بنایا جائیگا۔

وزیر اعلیٰ پنجاب مریم نواز شریف نے اڈہ پلاٹ سے مراکہ ملتان روڈ تک پور ے رنگ روڈ  کا دورہ بھی کیا۔

مریم نواز شریف نے ملتان روڈ پر لاہور رنگ روڈ  انٹر چینج پر مقامی پودے لگانے کی ہدایت کی اور کہا کہ رنگ روڈ سدرن لوپ تھری سے عوام کو آمد و رفت میں آسانی ہوگی۔

  صوبائی وزیرِ صہیب احمد ملک ، پرویز رشید چیف سیکرٹری ، سیکرٹری سی اینڈ ڈبلیو ،کمشنر ایف ڈبلیو حکام بھی موجود تھے۔