پاکستان کرکٹ بورڈ (پی سی بی) کے چیئرمین محسن نقوی نے ہدایت کی ہے کہ قومی ٹیم کا انتخاب میرٹ پر کیا جائے اور میری سفارش بھی نہ مانی جائے۔
تفصیلات کے مطابق وزیر داخلہ و چیئرمین پی سی بی محسن نقوی کی زیر صدارت اجلاس ہوا جس میں آئندہ ماہ نیوزی لینڈ ٹیم کے دورہ پاکستان کے لیے کھلاڑیوں کے انتخاب پر مشاورت کی گئی۔
نیوزی لینڈ کے دورہ پاکستان کے سلسلے میں تربیتی و فٹنس کیمپ کے لیے کھلاڑیوں کے انتخاب پر چیئرمین پی سی بی کی بورڈ حکام سے تفصیلی مشاورت ہوئی ہے جس میں کھلاڑیوں کے ناموں پر غور کیا گیا۔
چیف سلیکٹر وہاب ریاض نے چیئرمین پی سی بی کو پی ایس ایل 9 میں اچھی کارکردگی دکھانے والے کھلاڑیوں کے بارے میں رپورٹ پیش کی۔
محسن نقوی نے کہا کہ ٹیم کے لیے کھلاڑیوں کا انتخاب میرٹ اور کارکردگی کی بنیاد پر کیا جائے اور پی ایس ایل میں بہتر کارکردگی دکھانے والوں کو بھی کیمپ میں شامل کیا جائے۔
انہوں نے واضح طور ہدایت کی کہ ٹیم کے انتخاب میں میرٹ کو ہی ترجیح دی جائے اور اس حوالے سے میری سفارش بھی نہ مانی جائے۔
واضح رہے کہ نیوزی لینڈ کی کرکٹ ٹیم 14 اپریل سے پاکستان کا دورہ کرے گی جس میں وہ پانچ ٹی ٹوئنٹی انٹرنیشنل میچز کھیلے گی۔
دونوں ٹیموں کے درمیان ابتدائی تین میچز 18، 20 اور 21 اپریل کو راولپنڈی میں کھیلے جائیں گے۔ باقی دو میچز 25 اور 27 اپریل کو لاہور میں کھیلے جائیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News