وزیر اعلی خیبر پختونخوا کی باجوڑ میں ریموٹ کنٹرول بم دھماکے کی مذمت

ظاہر شاہ شیرازی

06th Apr, 2024. 08:47 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیر اعلی خیبر پختونخوا کی باجوڑ میں ریموٹ کنٹرول بم دھماکے کی مذمت

پشاور: وزیر اعلی خیبر پختونخوا علی امین گنڈاپور نے باجوڑ کی تحصیل ماموند میں ریموٹ کنٹرول بم دھماکے کی مذمت کی ہے۔

وزیر اعلی خیبر پختونخوا علی امین گنڈاپور نے باجوڑ کی تحصیل ماموند میں ریموٹ کنٹرول بم دھماکے کی مذمت کرتے ہوئے ایک پولیس اہلکار کی شہادت پر افسوس کا اظہار کیا ہے۔

وزیر اعلی خیبر پختونخوا نے شہید اہلکار کے اہل خانہ سے تعزیت اور دلی ہمدردی کا اظہار کیا جب کہ شہید کے درجات کی بلندی اور پسماندگان کے لئے صبر جمیل کی دعا کی۔

علی امین گنڈاپور نے واقعے میں زخمی پولیس اہلکار کی جلد صحت یابی کے لئے نیک خواہشات کا اظہار کیا اور ساتھ ہی پولیس کے اعلیٰ حکام سے واقعے کی رپورٹ طلب کرلی۔

وزیر اعلیٰ نے ملوث عناصر کی گرفتاری کے لئے کارروائی عمل میں لانے کی ہدایت کی اور شہید اہلکار کے اہل خانہ کو شہداء پیکج دینے کا بھی اعلان کیا۔

علی امین گنڈاپور نے کہا کہ اس طرح کے بزدلانہ واقعات سے پولیس کے حوصلے پست نہیں ہوں گے، صوبائی حکومت شہید کے اہل خانہ کو تنہا نہیں چھوڑے گی اور شہید کے اہل خانہ کی ہر ممکن معاونت کی جائے گی۔