وفاقی وزیر تجارت جام کمال خان اور جاپان کے سفیر کی ملاقات ہوئی جس میں تجارتی تعلقات اور تعاون کو فروغ دینے کا عزم کیا گیا۔

 ملاقات میں سفیر واڈا مٹسوہیرو اور وفاقی وزیر تجارتجام کمال خان نے جاپان اور پاکستان کے درمیان تجارتی تعلقات اور باہمی اعتماد کو مضبوط بنانے کے طریقوں پر تبادلہ خیال کیا۔

ملاقات میں دونوں معززین نے متوازن تجارتی ماحول اور پاکستان اور جاپان کے درمیان دیرینہ دوطرفہ تعلقات کو مضبوط بنانے کے عزم کا اعادہ کیا۔

ملاقات کے دوران سفیر نے وزیر جام کمال خان کو ان کے حالیہ پورٹ فولیو پر مبارکباد دیتے ہوئے دوطرفہ تعلقات کو بڑھانے کے عزم کا اظہار کیا۔

جاپانی سفیر نے پاکستانی کاروباری اداروں کو ورلڈ ایکسپو 2025 میں شرکت کی دعوت دی۔

 وفاقی وزیر تجارت جام کمال خان نے مقامی اور بین الاقوامی تاجروں کے لیے کاروبار کرنے میں آسانی پیدا کرنے کے لیے حکومتی تعاون کی یقین دہانی کرائی۔

جام کمال خان نے کہا کہ آٹوموبائل، سٹیل، مشینری، ٹیکسٹائل، معدنیات اور آئی ٹی ایچ آر جیسے اہم شعبوں میں وسیع تر مواقع شامل ہیں۔

وفاقی وزیر تجارت جام کمال خان نے مزید کہا کہ وزارت تجارت نے جامع پانچ سالہ جامعہ منصوبہ بنایا ہے، جس کا مقصد مقامی اور غیر ملکی سرمایہ کاروں کو راغب کرنا ہے۔