یوٹیلیٹی اسٹورزپر رمضان پیکج ختم ہونے کے بعد وزیراعظم ریلیف پیکج جاری رکھنےکا فیصلہ کیا گیا ہے۔
ذرائع کے مطابق وزیراعظم ریلیف پیکج کے تحت یوٹیلیٹی اسٹورز پر 5 بنیادی اشیاء پر سبسڈی برقرار رہے گی۔
چینی،آٹا،گھی،دالوں اورچاول پر بی آئی ایس پی صارفین کو ماہانہ تقریبا3 ارب روپے تک کی سبسڈی ملے گی۔
یوٹیلیٹی اسٹورز پر بی آئی ایس پی صارفین کے لیے چینی کی قیمت 109 روپے فی کلو ہوگی اور آٹے کا 10 کلو کا تھیلا 648 روپے میں دستیاب ہوگا۔
ذرائع کا مزید کہنا ہے کہ بی آئی ایس پی صارفین کے لیے گھی کی فی کلو قیمت 393 روپے مقرر کی گئی ہےجبکہ دالوں اور چاول پر فی کلو 25 روپے سبسڈی ملے گی۔
یوٹیلیٹی اسٹورز پر وزیر اعظم پیکج جون 2024 تک جاری رکھنے کا پلان ہے۔
ذرائع کا کہنا ہے کہ آئندہ مالی سال کے لیے وزیر اعظم پیکج جاری رکھنے سے متعلق فیصلہ وفاقی حکومت کرے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News