مسجد کا تقدس پامال، نامعلوم افراد نے فائرنگ کر کے ایک شخص کو ہلاک کر دیا

ویب ڈیسک

21st Apr, 2024. 05:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مسجد کا تقدس پامال، نامعلوم افراد نے فائرنگ کر کے ایک شخص کو ہلاک کر دیا

سوات میں نامعلوم افراد نے مسجد کا تقدس پامال کر دیا اور نماز کے دوران فائرنگ کر کے ایک شخص کو ہلاک کر دیا۔

تفصیلات کے مطابق سوات کے مینگورہ رحیم آباد کے علاقے شیرآباد اوگدے میں نامعلوم افراد نے مسجد میں داخل ہو کر ایک شخص کو فائرنگ کر کے ہلاک کر دیا اور فرار ہو گئے۔

پولیس کے مطابق فائرنگ سے نعمت اللہ سکنہ بلوگرام حال شیرآباد اوگدے ہلاک ہو گیا، نامعلوم ملزمان نے نماز کے دوران فائرنگ کی۔

پولیس کا کہنا تھا کہ مقتول کی پہلے سے ذاتی دشمنی چلی آ رہی تھی، اور قتل ہوئے والا شخص سوات پولیس میں کانسٹیبل تھا۔

پولیس ترجمان کا کہنا تھا کہ مقتول نے تقریباً 6 سال قبل ایک گیس ملازم پرفائرنگ کر کے قتل کیا تھا اور اس جرم میں مقتول کافی عرصہ سے جیل میں رہا ہے۔

پولیس نے مقدمہ درج کر مزید تفتیش شروع کر دی ہے۔