غیر قانونی اوراسمگل شدہ سگریٹ کی فروخت، حکومت کو بڑا مالی نقصان

ویب ڈیسک

17th Apr, 2024. 10:33 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

غیر قانونی اوراسمگل شدہ سگریٹ کی فروخت، حکومت کو بڑا مالی نقصان

ملک میں غیر قانونی سگریٹ کی فروخت سے تیکسز کی مد میں حکومت کو غیر معمولی نقصان ہو رہا ہے۔

تفصیلات کے مطابق سگریٹ انڈسٹری نے دعویٰ کیا ہے کہ غیر قانونی سگریٹ کی فروخت سے حکومت کو ٹیکسز کی مد میں 310 ارب روپے کا نقصان ہو رہا ہے۔

سگریٹ انڈسٹری سے تعلق رکھنے والے نمائندوں کا کہنا ہے کہ غیرقانونی اوراسمگل سگریٹ کی فروخت 63 فیصد تک پہنچ گئی۔

ان کا کہنا تھا کہ ٹیکسز میں 150 فیصد اضافے کے باعث غیر قانونی سگریٹ کی فروخت میں اضافہ ہوا۔ غیر قانونی سگریٹ میں اسمگلڈ سگریٹ کا حجم زیادہ بڑھا ہے۔

انڈسٹری کے نمائندوں کا کہنا تھا کہ جعلی سگریٹ پرجعلی ٹریک اینڈ ٹریس مہریں لگی ہوتی ہیں، ایف بی آر کا انفورسمنٹ کا نظام کمزور ثابت ہو رہا ہے۔

ان کا کہنا تھا کہ قانونی سگریٹ کی پیداوار اور فروخت دونوں میں کمی ہوئی ہے، قانونی سگریٹ کی پیداوار میں 40 فیصد سے زائد کی کمی ہوئی ہے۔

سگریٹ انڈسٹری نے حکومت سے مطالبہ کیا ہے کہ تمام سگریٹ مینوفیکچررز کو ٹیکس نیٹ میں لایا جائے۔