اقتدار کے حصول کے لئے مودی سرکار اوچھے ہتھکنڈوں پر اتر آئی

سلمان علی اعوان

03rd Apr, 2024. 02:40 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اقتدار کے حصول کے لئے مودی سرکار اوچھے ہتھکنڈوں پر اتر آئی

مودی کا اپنے ہی پنجاب پر حملہ کرکے الزام پاکستان پر لگانے کا منصوبہ بے نقاب

بھارت میں انتخابات قریب آتے ہی مودی سرکار کا اپوزیشن کے خلاف کریک ڈاوٴن شورع ہوگیا۔

نئی دہلی کے وزیر اعلیٰ اروند کیجریوال کی گرفتاری کے بعد عام آدمی پارٹی کی دیگر قیادت بھی مودی سرکار کے نشانے پر آگئی ہے۔

مودی سرکار نے انتخابات میں کامیابی کے لئے اپنے مخالفین کے خلاف محاذ کھولنے کی بھرپور تیاری کرلی ہے۔

دہلی کی وزیر تعلیم اتیشی مارلینا نے پریس کانفرنس کے دوران کہا کہ مودی سرکار کی جانب سے انہیں دھمکایا جارہا ہے اور تنبیہ کی جا ر ہی ہے کہ یا تو ان کی پارٹی میں شامل ہوجاوٴ یا جیل جانے کے لئے تیار ہوجاوٴ اور اگر سیاسی کیرئیر بچانا ہے تو بی جے پی میں شمولیت اختیار کرنا ہو گی۔

اتیشی مارلینا کے مطابق بی جے پی لوک سبھا انتخابات سے قبل مزید چار عام آدمی پارٹی کے رہنماوٴں کو گرفتار کرنا چاہتی ہے جن میں سوربھ بھردواج، راگھو چڈھا، درگیش پاٹھک اور میں شامل ہوں۔

واضح رہے کہ کانگرس پارٹی کے بعد عام آدمی پارٹی مودی سرکار کی جیت میں سب سے بڑی رکاوٹ ہے، کانگرس پارٹی کو راستے سے ہٹانے کے لئے مودی سرکار کی جانب سے ان کے اکاوٴنٹس منجمد کر کے ساڑھے تین ہزار کروڑ کا جرمانہ عائد کیا گیا تھا۔