صدرآصف علی زرداری نے کہا ہے کہ ہم اختلاف کومل بیٹھ کرحل کریں، جو مشکلات ہیں ان میں ہم اختلافات کو لیکر نہیں چل سکتے۔
اسپیکرقومی اسمبلی کی زیرصدارت پارلیمنٹ کے مشترکہ اجلاس سے خطاب کرتے ہوئے صدر آصف زردرای نے کہا کہ اداروں میں ہم آہنگی پیداکرناہونگی تاکہ ترقی کی راہیں ہموارہوں، ملک میں ایساسیاسی ماحول بنانا ہوگا جس میں حدت کم اورروشنی زیادہ ہو، ہم سب کو ایک قدم پیچھے ہٹنا ہوگا۔
صدر آصف علی زرداری نے کہا کہ ہمیں فیصلہ کرناہوگاکہ سب سےزیادہ اہم ملک وقوم کیلئےکیاہے، سیاسی قیادت اپنی ترجیحات کو ہائی لائٹ کریں، ہمیں مل کرآگےبڑھناہوگا، اختلاف کوختم کرناہوگا، ہم نے مختلف معاشی ریفارمز کیں، صوبوں کے درمیان تعلقات کو بہتر بنانا ہو گا۔
صدرمملکت نے کہا کہ ذوالفقاربھٹونےاپنی زندگی جمہوریت اورانصاف کےلئےوقف کی، ہم اختلاف کومل بیٹھ کرحل کریں، جو مشکلات ہیں ان میں ہم اختلافات کو لیکر نہیں چل سکتے، ہمیں ہنگامی اقدامات کرناہوں گے، ملکرآگےبڑھیں گےتوملک میں جمہوریت کومضبوط کریں۔
صدرآصف زرداری نے کہا کہ ہماراایجنڈااورخیالات ہی ملک کومضبوط بنائیں گے، ایساسیاسی ماحول بناناہوگاجس میں سب کی ضرورت کوپوراکیاجاسکے، ہمیں عوام کی ترجیحات کوپوراکرناہوگا، ملک کوآگےلےکرجانےکےلیےاس وقت کی تقسیم سےنکلناہوگا۔
صدرمملکت نے اپنے خطاب میں کہا کہ دونوں ایوانوں کوعوام کےپارلیمانی نظام پراعتمادکےلیےکام کرناہوگا، ہمارے پاس وقت بہت کم ہے، ہمیں نئی ترقی کی بنیاد رکھناہو گی، جمہوریت کی بالادستی کے لئے ملکر کام کرنا ہوگا،
انھوں نے کہا کہ پارلیمنٹ کے آغاز پر مستقبل کے وژن کو مختصر بیان کروں گا، پہلے پارلیمانی سال کےآغازپرتمام معززمہمانوں کو مبارک بادپیش کرتاہوں، بطو صدرمیں نے اپنے اختیارات پارلیمنٹ کو دینے کا فیصلہ کیا، ملک کو حالیہ سیاسی بحران سے نکالنے کی ضرورت ہے۔
پارلیمنٹ کے مشترکہ اجلاس میں برطانیہ، امریکہ، فرانس، ملائیشیا، انڈونیشیا، برونائی دارالسلام، عمان اور بنگلہ دیش سمیت 50 سے زائد ممالک کے سفیر، فرسٹ سیکریٹری اورسعودی عرب، پرتگال، تاجکستان، کرغستان کے چارج ڈی افیئرزشریک ہوئے۔ ان کے علاوہ آزربائیجان، رومانیہ کے فرسٹ سیکریٹری بھی شریک تھے۔
صدرمملکت کے خطاب کے دوران شہید بے نظیر بھٹو کی تصویرڈائس پر رکھی ہوئی تھی۔ پارلیمنٹ کے مشترکہ اجلاس میں صدرکی تقریرکے دوران اپوزیشن کے ارکان کی جانب سے شورشرابہ اورنعرے بازی بھی کی گئی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News