آئی پی ایل کے رواں سیزن کے دوران کولکتہ نائٹ رائٹرز کے جارح مزاج بلے باز رنکو سنگھ نے اسٹار بلے باز ویرات کوہلی کا بلا توڑ دیا جس پر انہوں نے برہمی کا اظہار کیا۔
سوشل میڈیا پر ایک ویڈیو وائرل ہورہی ہے جس میں آئی پی ایل فرنچائز رائل چیلنجرز بنگلورو کے سابق کپتان اور اسٹار بھارتی بلے باز ویرات کوہلی کولکتہ نائٹ رائٹرز کے بیٹر پر غصے کا اظہار کررہے ہیں۔
سوشل میڈیا پر وائرل ویڈیو کے دوران رنکو سنگھ نے ویرات کوہلی سے ایک اور بیٹ مانگا تو اسٹار بیٹر نے نہ صرف انہیں منع کیا بلکہ غصے کا اظہار کرتے ہوئے کہا کہ تم نے میرا بیٹ اسپنرز پر توڑ دیا۔
رنکو سنگھ نے کہا کہ ویرات کوہلی نے مجھے کولکتہ کے ایڈن گارڈنز پر آئی پی ایل میچ سے قبل 29 مارچ کو اپنا بیٹ دیا تھا۔
رنکو سنگھ نے کوہلی کو بتایا کہ ان کا دیا گیا بیٹ اسپنر کیخلاف بیٹنگ پر ٹوٹ گیا تھا، کوہلی نے حیرانی سے پوچھا کہ تم نے میرا بیٹ اسپنرز پر توڑ دیا، اب کیوں بتارہے ہوں، میں اب دوسرا بیٹ نہیں دوں گا۔
اس پر رنکو سنگھ نے کہا کہ آپ کی قسم اب نہیں توڑوں گا مگر کوہلی نے کہا کہ میں 2 میچز میں 2 بیٹ نہیں دے سکتا، بعد میں میرے لیے مشکل ہوجاتی ہے۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News