بابر اعظم کے دوبارہ کپتان بننے پر شان مسعود کا ردعمل

ویب ڈیسک

04th Apr, 2024. 08:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بابر اعظم کے دوبارہ کپتان بننے پر شان مسعود کا ردعمل

قومی ٹیسٹ ٹیم کے کپتان شان مسعود نے بابر اعظم کے دوبارہ وائٹ بال ٹیم کے کپتان بننے پر اپنے خیالات کا اظہار کیا ہے۔

پاکستان کرکٹ بورڈ (پی سی بی) نے شاہین آفریدی کی جگہ بابر اعظم کو دوبارہ وائٹ بال ٹیم کی قیادت سونپنے کا فیصلہ کیا ہے۔

اس سے قبل آئی سی سی مینز کرکٹ ورلڈ کپ میں پاکستان کی مایوس کن کارکردگی کے بعد بابر اعظم نے تمام فارمیٹس سے کپتانی چھوڑنے کا فیصلہ کیا تھا۔

بابر اعظم کے فیصلے کے بعد پی سی بی نے شاہین آفریدی کو ٹی ٹوئنٹی جب کہ شان مسعود کو ٹیسٹ ٹیم کا کپتان بنانے کا فیصلہ کیا۔

بابر اعظم کے دوبارہ کپتان بننے پر شان مسعود نے کہا ’’ایک نیا سیٹ اپ اور سلیکشن کمیٹی آئی ہے جب کہ پی سی بی کے پاس ہمیشہ ایک منصوبہ موجود ہوتا ہے‘‘۔

شان مسعود کا کہنا تھا ’’پی سی بی نے شاہین آفریدی کے ورک لوڈ کو مینج کرنے کے لیے انہیں آرام دینے کا فیصلہ کیا کیونکہ اس سے قبل پاکستان نے عین ورلڈ کپ سے قبل نسیم شاہ کو کھودیا تھا جو ہمیں بہت مہنگا بھی ثابت ہوا‘‘۔

قومی ٹیسٹ ٹیم کے کپتان کہتے ہیں ’’تبدیلیاں آتی ہیں اور بطور کھلاڑی ہمارے لیے ایک مشترکہ مقصد موجود ہے کہ پاکستان ٹیم اچھی کارکردگی کا مظاہرہ کرے‘‘۔