قومی ٹیسٹ ٹیم کے کپتان شان مسعود نے بابر اعظم کے دوبارہ وائٹ بال ٹیم کے کپتان بننے پر اپنے خیالات کا اظہار کیا ہے۔
پاکستان کرکٹ بورڈ (پی سی بی) نے شاہین آفریدی کی جگہ بابر اعظم کو دوبارہ وائٹ بال ٹیم کی قیادت سونپنے کا فیصلہ کیا ہے۔
اس سے قبل آئی سی سی مینز کرکٹ ورلڈ کپ میں پاکستان کی مایوس کن کارکردگی کے بعد بابر اعظم نے تمام فارمیٹس سے کپتانی چھوڑنے کا فیصلہ کیا تھا۔
بابر اعظم کے فیصلے کے بعد پی سی بی نے شاہین آفریدی کو ٹی ٹوئنٹی جب کہ شان مسعود کو ٹیسٹ ٹیم کا کپتان بنانے کا فیصلہ کیا۔
بابر اعظم کے دوبارہ کپتان بننے پر شان مسعود نے کہا ’’ایک نیا سیٹ اپ اور سلیکشن کمیٹی آئی ہے جب کہ پی سی بی کے پاس ہمیشہ ایک منصوبہ موجود ہوتا ہے‘‘۔
شان مسعود کا کہنا تھا ’’پی سی بی نے شاہین آفریدی کے ورک لوڈ کو مینج کرنے کے لیے انہیں آرام دینے کا فیصلہ کیا کیونکہ اس سے قبل پاکستان نے عین ورلڈ کپ سے قبل نسیم شاہ کو کھودیا تھا جو ہمیں بہت مہنگا بھی ثابت ہوا‘‘۔
قومی ٹیسٹ ٹیم کے کپتان کہتے ہیں ’’تبدیلیاں آتی ہیں اور بطور کھلاڑی ہمارے لیے ایک مشترکہ مقصد موجود ہے کہ پاکستان ٹیم اچھی کارکردگی کا مظاہرہ کرے‘‘۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News