وفاقی وزیر برائے غذائی تحفظ نے کہا ہے کہ وزیراعظم کی ہدایت پر صوبوں کوزیادہ گندم خریداری کیلئےخط لکھا ہے، کسانوں کا نقصان ہورہاہےاس میں کوئی شک نہیں۔

وفاقی وزیرغذائی تحفظ راناتنویرحسین نے گندم کی خریداری کےمعاملےپرخطاب کرتے ہوئے کہا کہ پچھلی گندم 4.1ملین ٹن پڑی ہوئی ہے، گندم کی خریداری صوبوں کا کام ہے۔

راناتنویرحسین نے کہا کہ حکومت 25 فیصد سےزیادہ کبھی بھی گندم نہیں خریدتی، اب 15فیصد پر ٹارگٹ آگیا ہے، فوری خریداری نہ کرنےکی وجہ سےآڑہتی اورمل والوں کوفائدہ ہورہاہے۔

وفاقی وزیرغذائی تحفظ نے کہا کہ وزیراعظم کی ہدایت پرصوبوں کوزیادہ گندم خریداری کےلئےخط لکھاہے، کوشش کررہےہیں کہ چار پانچ روز میں مسئلہ حل ہوجائے، کسانوں کا نقصان ہورہاہےاس میں کوئی شک نہیں۔

راناتنویرحسین نے اپنے خطاب میں کہا کہ کسانوں کوبراہ راست سبسٹڈی دینے کا پلان تیارکررہےہیں، کھاد ملوں کوسبسڈی دینے سے کسانوں کومنتقل نہیں ہوتی، اب گندم3200روپےتک پہنچ گئی ہے۔

وفاقی وزیرنے مذید کہا کہ نگران حکومت کے دور میں گندم درآمد ہوئی، اکتیس بتیس سو روپے کی گندم منگوائی گئی، باہرسے گندم منگوانے پروزیراعظم نے انکوائری کمیٹی بنانے کا کہا ہے، چینی بھی پہلےبرآمد اور درآمد کی گئی۔