اسٹیٹ بینک نے تجارتی خسارے کے اعداد و شمار جاری کردیے
کراچی: اسٹیٹ بینک نے تجارتی خسارے کے اعداد و شمارجاری کردیے ہیں۔
اسٹیٹ بینک کی جانب سے جاری کردہ تجارتی خسارے کے اعداد و شمار کے مطابق مارچ میں پاکستان نے 2 ارب 57 کروڑ ڈالر کی اشیاء بیرون ممالک فروخت کیں۔
اسٹیٹ بینک کے مطابق مارچ میں بیرون ممالک سے 4 ارب 87 کروڑ ڈالر کی اشیاء پاکستان منگوائی گئیں جب کہ ماہانہ بنیاد پر برآمدات میں کوئی اضافہ نہیں ہوا۔
اسٹیٹ بینک کا کہنا ہے کہ ماہانہ بنیاد پر درآمدات 13 فیصد بڑھنے سے تجارتی خسارے میں 34 فیصد اضافہ ہوا، رواں مالی سال کے پہلے 9 ماہ میں برآمدات کا مالی حجم 23 ارب ڈالر رہا۔
اسٹیٹ بینک کا مزید کہنا تھا کہ رواں مالی سال کے پہلے 9 ماہ میں درآمدات کا حجم 40 ارب ڈالر رہا جب کہ تجارتی خسارہ 24 فیصد کم ہوکر 17.14 ارب ڈالر رہا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
