قومی ویمنز ٹیم کی سابق کپتان بسمہ معروف کا کرکٹ سے ریٹائرمنٹ کا اعلان

ویب ڈیسک

26th Apr, 2024. 12:22 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

قومی ویمنز ٹیم کی سابق کپتان بسمہ معروف کا کرکٹ سے ریٹائرمنٹ کا اعلان

پاکستان ویمنز کرکٹ ٹیم کی سابق کپتان بسمہ معروف نے انٹرنیشنل کرکٹ سے فوری ریٹائرمنٹ کا اعلان کردیا۔

تفصیلات کے مطابق بسمعہ معروف نے انٹرنیشنل کرکٹ کے تمام فارمیٹ سے فوری ریٹائرمنٹ کا اعلان کرتے ہوئے کہا کہ میں اپنے سب سے پسندیدہ کھیل سے ریٹائرمنٹ کا اعلان کرتی ہوں، یہ سفر یادگار رہا، یہ یادیں ہمیشہ یاد رہیں گی۔

انہوں نے کہا کہ اس کھیل کو خیرباد کہہ رہی ہوں جس سے مجھے بہت پیار ہے۔ میں پاکستان کرکٹ بورڈ کا شکریہ ادا کرنا چاہتی ہوں کہ انہوں نے مجھ پر اعتماد کیا اور اپنی صلاحیتوں کو منوانے کے لیے پلیٹ فارم مہیا کیا۔

بسمہ معروف نے اپنے فینز اور ساتھی کھلاڑیوں کا بھی شکریہ ادا کیا۔

سابق کپتان نے ون ڈے ڈیبیو 2006 میں بھارت کے خلاف اور ٹی ٹوئنٹی ڈیبیو 2009 میں آئرلینڈ کے خلاف کیا تھا۔

انہوں نے 276 انٹرنیشنل میچز میں پاکستان کی نمائندگی کی جو کسی بھی پاکستانی خواتین کرکٹر کی جانب سے سب سے زیادہ ہے۔

بسمہ معروف نے انٹرنیشنل میچز میں 6 ہزار 262 رنز بنائے ہیں، جس میں 33 نصف سنچریاں شامل ہیں جبکہ انہوں نے 80 وکٹیں بھی حاصل کیں۔