برطانیہ کے لیے پی آئی اے کی پروازیں دوبارہ بحال ہونے کی امید

ویب ڈیسک

27th May, 2024. 12:30 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

برطانیہ کے لیے پی آئی اے کی پروازیں دوبارہ بحال ہونے کی امید

پاکستان انٹرنیشنل ائیرلائن نے برطانیہ کے لیے اپنی پروازیں دوبارہ بحال کرنے کا عندیہ دے دیا ہے۔

پی آئی اے کے حکام کے مطابق پاکستان سے برطانیہ کے لیے ہفتہ وار 22 پروازیں آپریٹ کرنے کی تیاریاں شروع کردی گئی ہیں۔

پی آئی اے حکام کا کہنا ہے کہ فلائٹ آپریشن کے لیے تیاریوں کا آغاز کر دیا ہے۔

پی آئی اے کے ترجمان کے مطابق فلائٹ آپریشن کے حوالے سے ایک اشتہار بھی شائع کیا گیا ہے جس میں پی آئی اے نے لندن، مانچسٹر اور برمنگھم ایئرپورٹ پر ان فلائٹ کیٹرنگ سروسز کی فراہمی کے لیے کمپنیوں سے ٹینڈرز طلب کئے ہیں۔

حکام کا کہنا ہے کہ مانچسٹر ایئرپورٹ پر ہفتہ وار 9 پروازوں کے لیے 6500 کھانے کے ٹینڈرز طلب کئے گئے ہیں۔

لندن ایئرپورٹ پر ہفتہ وار 10 پروازوں کے لیے 7500 میل پیک کے ٹینڈرز طلب کئے گئے ہیں۔

جبکہ برمنگھم ائیرپورٹ پر ہفتہ وار 2 پروازوں کیلئے کھانے کے 2200 پیک کے لیے کیٹرنگ کمپنیوں سے ٹینڈرز طلب کئے گئے ہیں۔

پی آئی اے حکام کے مطابق خواہشمند کیٹرنگ کمپنیاں 27 جون 2024 تک ٹیکنیکل اور فنانشل پروپوزل جمع کروا سکیں گی۔

یاد رہے کہ 2020 میں پی آئی اے کے جعلی پائلٹ اسکینڈل کی وجہ سے یورپی یونین ایوی ایشن سیفٹی ایجنسی نے یورپی ممالک کے لیے پی آئی اے کی پروازوں کا اجازت نامہ منسوخ کر دیا تھا۔