ٹی ٹوئنٹی ورلڈکپ سے باہر ہونے کے ساتھ ہی ڈیوڈ وارنر کا کیریئر اختتام پذیر

ویب ڈیسک

25th Jun, 2024. 02:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ٹی ٹوئنٹی ورلڈکپ سے باہر ہونے کے ساتھ ہی ڈیوڈ وارنر کا کیریئر اختتام پذیر

ٹی ٹوئنٹی ورلڈکپ سے باہر ہونے کے ساتھ ہی آسٹریلوی بیٹر ڈیوڈ وارنر انٹرنیشنل کرکٹ سے ریٹائر ہوگئے۔

ٹی ٹوئنٹی ورلڈکپ کے سپر 8 مرحلے کا فیصلہ کن میچ کل بھارت اور آسٹریلیا کی ٹیموں کے درمیان کھیلا گیا جس میں بھارت نے باآسانی 24 رنز سے کامیابی اپنے نام کی جب کہ بھارت نے سیمی فائنل کے لیے کوالیفائی کرلیا ہے۔

ٹی ٹوئنٹی ورلڈکپ میں بھارت سے شکست کے بعد آسٹریلیا کی ٹیم ایونٹ سے باہر ہوگئی ہے جب کہ اس کے ساتھ ہی آسٹریلوی بلے باز ڈیوڈ وارنر کا کیریئر بھی اختتام پذیر ہوگیا ہے۔

اپنے آخری انٹرنیشنل میچ میں ڈیوڈ وارنر 6 گیندوں پر صرف 6 رنز ہی اسکور کرسکے اور ارشدیب سنگھ کی گیند پر کیچ دے بیٹھے۔

ڈیوڈ وارنر نے اپنا آخری ون ڈے میچ بھی گذشتہ سال نومبر میں بھارت کے خلاف ون ڈے ورلڈکپ کے فائنل میں کھیلا تھا جب کہ انہوں نے آخری ٹیسٹ میچ پاکستان کے خلاف جنوری میں کھیلا تھا۔

واضح رہے کہ آسٹریلوی بیٹر 110 ٹی ٹوئنٹی، 161 ون ڈے اور 112 ٹیسٹ میچز میں اپنے ملک کی نمائندگی کرچکے ہیں جب کہ وہ 2015 اور 2023 کے ون ڈے ورلڈکپ اور 2021 میں ٹی ٹوئنٹی ورلڈکپ جیتنے والی آسٹریلوی ٹیم کا بھی حصہ رہ چکے ہیں۔