ٹی ٹوئنٹی ورلڈکپ میں قومی ٹیم کی ناقص کارکردگی، ہیڈ کوچ نے رپورٹ جمع کرادی

افضل جاوید

03rd Jul, 2024. 03:02 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ٹی ٹوئنٹی ورلڈکپ میں قومی ٹیم کی ناقص کارکردگی، ہیڈ کوچ نے رپورٹ جمع کرادی

آئی سی سی ٹی ٹوئنٹی ورلڈکپ میں قومی ٹیم کی ناقص کارکردگی پر ہیڈ کوچ گیری کرسٹن نے اپنی رپورٹ جمع کرادی۔

پاکستان کرکٹ بورڈ(پی سی بی) کے ذرائع کے مطابق ہیڈ کوچ گیری کرسٹن نے ’کانفیڈنشل‘ رپورٹ چیئرمین پی سی بی کو بھجوائی۔

ذرائع کا کہنا ہے کہ چیئرمین پی سی بی محسن نقوی گیری کرسٹن کی رپورٹ کا جائزہ لے رہے ہیں۔

رپورٹس کی روشنی میں چیئرمین پی سی بی بورڈ عہدیداران اور سابق کرکٹرز سے مشاورت بھی کریں گے۔ مشاورت مکمل ہونے پر مستقبل سے متعلق فیصلے ہوں گے۔

ذرائع کا کہنا ہے کہ گیری کرسٹن نے ناقص کارکردگی کی وجوہات تفصیلی طور پر بیان کی ہیں۔انہوں نے کھلاڑیوں کے ڈسپلن اور کھیل سے آگاہی پر تفصیلی لکھا ہے۔

ذرائع کا مزید کہنا ہے کہ ہیڈ کوچ نے ٹیم میں بہتری لانے کے لیے تجاویز بھی دی ہیں۔انہوں نے کھلاڑیوں کی فٹنس پر بھی سوالات اٹھائے ہیں۔ رپورٹ میں وہی پوائنٹس ہیں جس کا وہ پہلے ذکر کرچکے ہیں۔

اس سے قبل سینئر منیجر وہاب ریاض بھی چند روز قبل اپنی رپورٹ جمع کراچکے ہیں۔