جسٹس ریٹائرڈ مشیر عالم نے سپریم کورٹ میں ایڈہاک جج بننے سے معذرت کرلی

ویب ڈیسک

16th Jul, 2024. 02:24 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جسٹس ریٹائرڈ مشیر عالم نے سپریم کورٹ میں ایڈہاک جج بننے سے معذرت کرلی

اسلام آباد: ریٹائرڈ جسٹس مشیر عالم نے سپریم کورٹ میں ایڈہاک جج بننے سے معذرت کرلی ہے۔

سپریم کورٹ میں چار ایڈہاک ججز مقرر کرنے کی تجویز ہے جب کہ جوڈیشل کمیشن 19 جولائی کو تجویز پر غور کرے گا۔

تاہم لسٹ میں موجود سرفہرست ریٹائرڈ جسٹس مشیر عالم نے ایڈہاک جج معذرت کرلی ہے، ان کا کہنا ہے کہ فلاحی سر گرمیوں میں مصروف ہوں، سپریم جوڈیشل کمیشن کو فیصلے سے آگاہ کردیا ہے۔

جسٹس ر مشیر عالم کا جوڈیشل کمیشن کے نام لکھے گئے خط میں کہنا ہے کہ اللہ نے مجھے میری حیثیت سے زیادہ عزت دی، مجھے ایڈہاک جج کے طور پر دوبارہ منتخب کرکے جو عزت بخشی گئی اس کے لیے جوڈیشل کمیشن کا مشکور ہوں۔

جسٹس ریٹائرڈ مشیر عالم مزید کہتے ہیں کہ ایڈہاک ججز نامزدگی کے بعد سوشل میڈیا پر جو مہم شروع کی گئی اس سے شدید مایوسی ہوئی، موجودہ حالات میں بطور ایڈہاک جج کام کرنے سے معذرت چاہتا ہوں۔