پولیس کی گاڑیاں جلانے کا مقدمہ؛ فواد چوہدری کی عبوری ضمانت میں 2 اگست تک توسیع

عبدالرحمان

24th Jul, 2024. 02:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

پولیس کی گاڑیاں جلانے کا مقدمہ؛ فواد چوہدری کی عبوری ضمانت میں 2 اگست تک توسیع
بڑی سیاسی ہلچل، ن لیگ اور پیپلز پارٹی کا آزاد کشمیر حکومت کے خلاف عدم اعتماد لانے کا فیصلہ
جنرل ساحر شمشاد مرزا کا دورہ بنگلادیش، دفاعی و سلامتی تعاون مزید مضبوط بنانے پر اتفاق
اردن، فیلڈ مارشل سید عاصم منیر کی شاہ عبداللہ دوم سے ملاقات، دفاعی و سلامتی تعاون بڑھانے پر اتفاق

Now Reading:

پولیس کی گاڑیاں جلانے کا مقدمہ؛ فواد چوہدری کی عبوری ضمانت میں 2 اگست تک توسیع

لاہور: انسداد دہشت گردی عدالت لاہور نے پولیس کی گاڑیاں جلانے کے مقدمے میں فواد چوہدری کی عبوری ضمانت میں 2 اگست تک توسیع کردی۔

انسداد دہشت گردی عدالت لاہور میں پولیس کی گاڑیاں جلانے کے مقدمے کی سماعت ہوئی جس میں عدالت نے فواد چوہدری اور دیگر ملزمان کی عبوری ضمانت میں 2 اگست تک توسیع کردی۔

انسداد دہشت گردی عدالت کے جج خالد ارشد نے کیس کی سماعت کی جس میں فواد چوہدری سمیت دیگر ملزمان حاضری کے لیے پیش ہوئے، تفتیشی افسر نے بیان دیا کہ ملزمان شامل تفتیش نہیں ہورہے جس پر عدالت نے ملزمان کو شامل تفتیش ہونے کا آخری موقع دے دیا۔

دیگر ملزمان میں چودہری بلال اعجاز، امتیاز محمود، حافظ فرحت عباس، محمد احمد چھٹہ، ملک کرامت علی کھوکھر اور شکیل خان نیازی شامل ہیں۔

خیال رہے کہ زمان پارک میں پولیس کی گاڑیاں جلانے کا مقدمہ تھانہ ریس کورس میں درج ہے۔

انسداد دہشت گردی عدالت کے باہر فواد چوہدری نے میڈیا سے گفتگو کرتے ہوئے کہا کہ آج کابینہ کی میٹنگ میں پی ٹی آئی پر پابندی کا فیصلہ ہوگا، زرداری اور نواز شریف تاریخ کی غلط سائڈ پر ہیں، جو ان کا ساتھ دے گا وہ تاریخ سے نظر نہیں ملا سکے گا۔

فواد چوہدری نے مزید کہا کہ لوگ بجلی کے بل نہیں دے پارہے، آگے مزید مشکلات ہوں گے، جو لوگ باہر بیٹھ کر فوج اورعوام کو لڑوانا چاہتے ہیں ان سے سب دور رہیں۔