حکومت سندھ نے منشیات کی تیاری میں استعمال ہونے والی اشیاء کے خلاف بھی آپریشن کا حکم دے دیا ہے۔
شرجیل انعام میمن کی زیرصدارت محکمہ ایکسائز نارکوٹکس کنٹرول ونگ کا اجلاس منعقد ہوا جس میں منشیات کی تیاری میں استعمال ہونے والی اشیا کے خلاف بھی کارروائی کا فیصلہ کیا گیا۔
اس موقع پر شرجیل انعام میمن کا کہنا تھا کہ منشیات کی تیاری میں استعمال اشیا کی فروخت کا خاتمہ یقینی بنایاجائے، دکاندار محکمہ ایکسائز کے ساتھ تعاون کریں۔
ان کا کہنا تھا کہ دکاندار منشیات میں استعمال اشیا کو فروخت کرنے سے گریز کریں، ایکسائز حکام منشیات کی فروخت کی اطلاع پر چھاپہ مار سکتے ہیں۔
صوبائی وزیر نے کہا کہ معاشرے میں منشیات کا بڑھتا ہوا رجحان تشویشناک ہے، منشیات کے خلاف آپریشنز میں مزید تیزی لائی جائے۔
Advertisement
شرجیل میمن نے ایکسائز موبائلز کو فعال کرنے اور اہم مقامات پر چیک پوسٹیں قائم کرنے کے احکامات جاری کیے۔
سینئر وزیر شرجیل انعام میمن نے مزید کہا کہ ملیر، درخشاں، ہاکس بے ودیگر پوائنٹس پر چوکیاں قائم کی جائیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
