ملک کے تمام بڑے شہروں میں پاسپورٹ بیک لاگ ختم، ڈی جی پاسپورٹ کا دعویٰ

ویب ڈیسک

18th Sep, 2024. 06:50 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملک کے تمام بڑے شہروں میں پاسپورٹ بیک لاگ ختم، ڈی جی پاسپورٹ کا دعویٰ

ڈی جی پاسپورٹ کا کہنا ہے کہ ملک کے تمام بڑے شہروں میں پاسپورٹ بیک لاگ ختم ہو گیا ہے۔

ڈی جی پاسپورٹ مصطفیٰ جمال قاضی کے مطابق فارن مشنز، آن لائن اور ہوم ڈیلیوری کے تمام کیسز بھی نمٹا دیئے گئے، اسلام آباد میں 14 ہزار 673 کراچی میں 83 ہزار 227 پاسپورٹس کا اجراء کر دیا گیا ہے۔

لاہور کے گارڈن ٹاؤن سے 30 ہزار 848، رائے ونڈ سے 4 ہزار 872 اور شادمان سے 11 ہزار 490 کیسز کلئیر کیے گئے ہیں۔

کوئٹہ میں 7 ہزار 252، راولپنڈی میں 18 ہزار 400 اور پشاور میں 23 ہزار 145 کیسز نمٹا دیئے گئے ہیں۔

ہوم ڈیلیوی کے لیے 5 ہزار 650 اور 15 ہزار 848 ارجنٹ پاسپورٹس شہریوں کو موصول ہو چکے ہیں۔

سفارت خانوں کے ذریعے اپلائی کیے گئے 17 ہزار 972 نارمل اور 41 ہزار 712 ارجنٹ کیٹگری کے کیسز بھی کلئیر ہو چکے ہیں۔

مصطفیٰ جمال قاضی کا کہنا تھا کہ تمام بڑے شہروں میں پاسپورٹ کا بیگ لاک صفر کر دیا گیا ہے جبکہ ملک بھر میں پاسپورٹ اجراء کے حوالے سے بیگ لاک جلد ختم ہوجائے گا۔

ڈی جی پاسپورٹس اینڈ امیگریشن مصطفیٰ جمال قاضی کا مزید کہنا تھا کہ پاسپورٹس کا اجراء بروقت یقینی بنانے کے لیے عملہ دن رات کوشاں ہے۔