وزیر اعلیٰ خیبر پختونخوا کے دوران تقریر صحافیوں پر بے بنیاد الزامات

ویب ڈیسک

09th Sep, 2024. 12:14 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیر اعلیٰ خیبر پختونخوا کے دوران تقریر صحافیوں پر بے بنیاد الزامات

وزیراعلیٰ خیبرپختونخوا علی امین گنڈا پور نے جلسے سے خطاب کرتے ہوئے صحافیوں پر بے بنیاد الزامات عائد کر دیئے۔

علی امین گنڈا پور کی جانب سے بے بنیاد الزامات لگانے پر پی ٹی آئی بیٹ رپورٹرز ایسوسی ایشن نے سخت مذمت کی۔

پی ٹی آئی بیٹ رپورٹرز ایسوسی ایشن نے وزیر اعلیٰ خیبرپختونخوا کے خلاف اندراج مقدمے کیلئے درخواست دینے کا اعلان کیا ہے۔

بیٹ رپورٹرز کا کہنا تھا کہ وزیر اعلیٰ کی تقریر میں صحافیوں کو بکاؤ کہا گیا اور پی ٹی آئی کارکنان نے جلسہ گاہ میں موجود ڈی ایس این جیز کا گھیراؤ کیا۔

رپورٹرز کا کہنا تھا کہ وزیراعلیٰ کی تقریر کے بعد صحافیوں کی جان کو خطرہ ہے، انہوں نے مطالبہ کیا کہ علی امین گنڈا پور فی الفور معافی مانگیں۔

بیٹ رپورٹرز کا کہنا تھا کہ اگر وزیر اعلیٰ خیبر پختونخوا علی امین گنڈا پور نے معافی نہ مانگی تو ہم ان کے خلاف قانونی کارروائی کریں گے۔