پی ٹی آئی کے اسلام آباد میں احتجاج کے معاملے پرراولپنڈی میں ایک اورمقدمہ درج کر لیا گیا۔ مقدمہ تھانہ صادق آباد میں انسداد دیشتگردی ایکٹ کی دفعات کے تحت درج کیا گیا۔

مقدمہ میں اقدام قتل، کارسرکارمیں مزاحمت سمیت تعزیرات پاکستان کی 14 دفعات بھی شامل ہیں۔ مقدمہ میں بانی پی ٹی آئی،علیمہ خان، بشری بی بی،علی امین گنڈا پور،عمرایوب، حماد اظہر، اسد قیصر، عارف علوی، خورشید خان سمیت متعدد نامزد ہیں۔

گزشتہ روزصبح ساڑھے7 بجے پی ٹی آئی کارکنان نے فیض آباد ناکہ پراشتعال انگیزنعرے بازی کی۔ ملزمان نے ٹائر جلا کرسڑک بند کی راستہ روک لیا۔

ملزمان نے ڈنڈوں اورپتھراؤ کرتے ہوئے پولیس پرحملہ کیا جس سے کانسٹیبل جنید کی شرٹ پھاڑکرنوشیروان سے سرکاری موٹرولا سیٹ چھین لیا۔  ملزمان نے ناکہ پر پولیس پارٹی پر سیدھی فائرنگ کی، دو گولیاں سرکاری گاڑی پر لگی۔

آنسو گیس کی شیلنگ کے بعد پولیس نے موقع سے 77 پی ٹی آئی کارکنان کو گرفتارکرلیا۔ گرفتارملزمان سے موٹرولا وائرلیس سیٹ، آنسو گیس کے شیل، ڈنڈے، کنچے، غلیلیں برآمد ہوئیں۔

ملزمان کے زیراستعمال تین گاڑیاں بھی قبضہ میں لے لی گئیں۔ ملزمان نے بانی پی ٹی آئی کی سازش مجرمانہ اورایماں پرخلاف قانون مجمع اکھٹا کیا۔

ملزمان نے پولیس سے مزاحمت کرکے سڑک بند کی عوام کا راستہ روک کرشہری زندگی کو مفلوج کیا۔

ملزمان نے عام عوام کی زندگیوں کو خطرے میں ڈالا،سرکاری اور نجی ملاک کو نقصان پہنچایا

ملزمان نے حکومت ریاستی اداروں کے خلاف نعرے بازی کر کے عوام میں خوف و حراس پھیلایا

ملزمان نے قتل کی نیت سے پولیس پر سیدھی فائرنگ کی