جونیئر ہاکی ایشیا کپ: بھارت نے پاکستان کو فائنل میں شکست دے کر ٹائٹل اپنے نام کر لیا

ویب ڈیسک

04th Dec, 2024. 10:19 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جونیئر ہاکی ایشیا کپ: بھارت نے پاکستان کو فائنل میں شکست دے کر ٹائٹل اپنے نام کر لیا

پاکستان ہاکی فیڈریشن کا جونیئر ہاکی ورلڈ کپ کے لیے ٹیم بھارت نہ بھیجنے کا فیصلہ

جونیئر ہاکی ایشیا کپ کے فائنل میں بھارت نے پاکستان کو 3-5 سے شکست دے کر چیمپئن بننے کا اعزاز حاصل کر لیا۔

عمان کے دارالحکومت مسقط میں کھیلے گئے اس اہم میچ میں پاکستان کے کپتان حنان شاہد نے پہلے کوارٹر میں گول کر کے اپنی ٹیم کو سبقت دلائی، تاہم بھارت کے اریجیت سنگھ ہوندل نے جلد ہی میچ کا اسکور برابر کر دیا۔

دوسرے کوارٹر میں اریجیت کے فلک کی بدولت بھارت کو 1-2 کی برتری حاصل ہوئی، جس کے بعد دلراج سنگھ نے بھارت کی برتری کو 1-3 میں بدل دیا۔

اس کے بعد پاکستان کے سفیان خان نے پاکستانی ٹیم کا دوسرا گول داغا، جس سے پاکستان نے اپنی پوزیشن مضبوط کی۔

تیسرے کوارٹر میں سفیان خان نے ایک اور گول کر کے اسکور 3-3 پر برابر کر دیا، تاہم چوتھے کوارٹر میں بھارتی ٹیم نے دو مزید گول کیے، جس سے اس کی برتری 3-5 تک پہنچ گئی۔

پاکستان کی ٹیم یہ فرق ختم کرنے میں کامیاب نہ ہو سکی، اور بھارت نے فتح کے ساتھ ایشیا کپ کا ٹائٹل اپنے نام کر لیا۔