حکومت کا چینی کی قیمتوں پر بڑے اقدام کا فیصلہ

ویب ڈیسک

28th May, 2025. 08:34 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حکومت کا چینی کی قیمتوں پر بڑے اقدام کا فیصلہ

عیدالاضحیٰ تک چینی کی قیمتوں میں عارضی کمی کی جائے گی

حکومتِ پاکستان نے چینی کی قیمتوں میں شفافیت اور عوام کو ریلیف فراہم کرنے کے لیے ایک اہم فیصلہ کیا ہے، جس کے تحت چینی کی پیداواری لاگت کے تعین کے لیے آزاد آڈٹ کرایا جائے گا۔

اس فیصلے پر شوگر ملز مالکان نے بھی اتفاق کا اظہار کیا ہے، جسے ایک مثبت پیشرفت قرار دیا جا رہا ہے۔

یہ پیش رفت اس وقت سامنے آئی جب وفاقی وزیر صنعت و پیداوار رانا تنویر حسین کی زیر صدارت شوگر ملز مالکان سے ایک اہم ملاقات ہوئی، جس میں چینی کی موجودہ قیمتوں، آئندہ پالیسی اور صارفین کو ریلیف فراہم کرنے سے متعلق امور پر تفصیلی گفتگو ہوئی۔

ملاقات میں فیصلہ کیا گیا کہ عیدالفطر تک چینی کی قیمتوں میں عارضی کمی کی جائے گی تاکہ عوام کو فوری ریلیف دیا جا سکے۔ عید کے بعد پیداواری لاگت کی بنیاد پر چینی کی نئی قیمت کا باقاعدہ اعلان کیا جائے گا۔

وزارتِ فوڈ سیکیورٹی اور شوگر ملز مالکان کے درمیان یہ بھی طے پایا ہے کہ پیداواری لاگت کے تعین کے لیے آزاد، غیرجانبدار آڈٹ کرایا جائے گا تاکہ قیمتوں کا تعین شفاف انداز میں ہو اور کسی بھی قسم کی مصنوعی مہنگائی کا سدباب کیا جا سکے۔