پہلگام  واقعے کی آڑمیں بھارت نے پاکستان کے خلاف مالیاتی سازش کی تیاری کرلی ،ایف اے ٹی ایف اور آئی ایم ایف کو پاکستان کے خلاف اکسانے کی ناکام کوششیں شروع کردیں۔

ذرائع کے مطابق  بھارت ممکنہ طور پر پاکستان کو ایک بار پھر فنانشل ایکشن ٹاسک فورس (ایف اے ٹی ایف) کی گرے لسٹ میں شامل کروانے کی بھرپورکوشش کرے گا۔

بھارت پاکستان کودی جانے والے بین عالمی مالیاتی فنڈ (آئی ایم ایف)کے 7 ارب ڈالر کے امدادی پیکیج پر بھی سوال اٹھانے کی سازش کررہا ہے۔

بھارت اس حوالے سے پہلگام واقعے کو جواز بنانا چاہتاہے جس کے لئے وہ دہشت گردی کا واقعات اور الزام تراشی کا سہارا لے گا۔

ذرائع کا کہناہے کہ مودی حکومت آئندہ ہفتوں میں ایف اے ٹی ایف کے اہم رکن ممالک سے رابطے کرے گی تاکہ کو اپنی کوششوں کا عملی جامہ پہنا سکے ۔

ایف اے ٹی ایف کا اہم اجلاس جون میں متوقع ہے جس میں مودی سرکار پاکستان کے خلاف نئی سازش کے لئے پر تول رہی  ہے۔

پاکستان اور آئی ایم ایف میں 2024 میں معاہدہ طے پایاتھا۔ جون 2018 میں پاکستان کو ایف اے ٹی ایف کی گرے لسٹ میں شامل  کیا گیا تھا، جس سے اس کی مالیاتی نگرانی میں اضافہ ہو گیا تھا۔

اکتوبر 2022 میں ایف اے ٹی ایف نے  پاکستان کو گرے لسٹ سے نکال دیا تھاکیونکہ پاکستان نے دہشتگردی کے خلاف موثر اقدامات کیے تھے ۔

پہلگام واقعے کی آڑ میں بھارتی جارحیت، پاکستان کا موثرردعمل

مودی  نے پہلگام ڈرامہ رچا کر پاکستان سے سفارتی تعلقات محدود کردیے ، سندھ طاس معاہدہ معطل کر دیا ، اٹاری-واہگہ سرحد پر چیک پوسٹ بند کر دی، پاکستانی شہریوں کے لیے ویزا سروسز منسوخ کر دیں اورپاکستانی پروازوں کے لیے بھارتی فضائی حدود بند کر دی۔

جواب میں پاکستان نے بھی اسی قسم کے موثر اورسخت اقدامات کیے جس سے بھارتی معیشت کو شدید مالی نقصان پہنچ رہاہے۔

پاکستان نے بھی کئی سفارتی اقدامات کیے اور خبردار کیا ہے کہ وہ شملہ معاہدے کو “غیرفعال” کرنے کا حق محفوظ رکھتا ہے۔