امریکا کا پاکستان اور بھارت سے مسلح تصادم بند کرنے کا مطالبہ، ترجمان امریکی محکمہ خارجہ

ویب ڈیسک

09th May, 2025. 12:24 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

امریکا کا پاکستان اور بھارت سے مسلح تصادم بند کرنے کا مطالبہ، ترجمان امریکی محکمہ خارجہ
جب چاہیں غزہ پر حملہ کر سکتے ہیں ، کسی اجازت یا معا ہدے کے باپند نہیں، نیتن یاہو
جنگ بندی معاہدے کی پاسداری کیلئے اسرائیل پر دباؤ ڈالا جائے ، حماس کا مطالبہ
بھارتی ٹاٹا گروپ غزہ نسل کشی میں اسرائیل کا مدد گار رہا ، تفصیلی رپورٹ منظر عام پر آ گئی

Now Reading:

امریکا کا پاکستان اور بھارت سے مسلح تصادم بند کرنے کا مطالبہ، ترجمان امریکی محکمہ خارجہ

امریکی محکمہ خارجہ کی ترجمان ٹیمی بروس نے اپنی پریس کانفرنس میں پاکستان اور بھارت سے درخواست کی ہے کہ وہ فوری طور پر اپنے درمیان جاری مسلح تصادم کو بند کر دیں۔

ترجمان کا کہنا تھا کہ امریکہ دونوں ممالک کے درمیان کشیدگی کم کرنے کے لیے مکمل تعاون کے لیے تیار ہے۔

ٹیمی بروس نے کہا کہ امریکی وزیر خارجہ مارک روبیو نے بھارتی وزیر خارجہ سے بھی بات کی ہے، جب کہ وزیر خارجہ نے وزیراعظم پاکستان شہباز شریف سے بھی بات کی تھی تاکہ دونوں ممالک کے درمیان بڑھتی ہوئی کشیدگی پر قابو پایا جا سکے۔

انہوں نے مزید کہا کہ امریکہ پاکستان اور بھارت کے درمیان براہ راست رابطوں کی حوصلہ افزائی کرتا ہے تاکہ مسائل کے حل کے لیے بات چیت کی جا سکے۔

ترجمان نے یہ بھی کہا کہ مارک روبیو نے پاکستان اور بھارت سے کشیدگی کم کرنے کے لیے ذمہ دارانہ اقدامات کرنے کی درخواست کی تھی۔

ٹیمی بروس نے کہا کہ امریکہ سمجھتا ہے کہ کشمیر میں جو کچھ بھی ہو رہا ہے، وہ افسوسناک ہے، اور امریکہ پاکستان کے ساتھ ہے جس نے گام واقعہ کی تحقیقات کا مطالبہ کیا ہے۔

انہوں نے کہا کہ امریکہ کا مقصد پاکستان اور بھارت کے درمیان براہ راست رابطہ بحال کرانا ہے تاکہ دونوں فریقین کے درمیان معاملات حل کیے جا سکیں اور خطے میں امن قائم ہو سکے۔