“معرکہ مرصوص” کے دوران پاکستانی مسلح افواج کے ہاتھوں شکست کے باوجود بھارتی میڈیا کی جانب سے مسلسل جھوٹ پر مبنی خبریں نشر کی گئیں، جنہیں ایک معروف بھارتی صحافی نے بے نقاب کر دیا ہے۔

صحافی نے بھارتی میڈیا کو سخت تنقید کا نشانہ بناتے ہوئے کہا کہ عوام کو گمراہ کرنے کے لیے من گھڑت اور بے بنیاد رپورٹس کا سہارا لیا گیا۔

بھارتی صحافی کے مطابق، بھارتی میڈیا نے غیر ذمہ داری کا مظاہرہ کرتے ہوئے ایسی جھوٹی خبریں نشر کیں جن میں پاکستان کے چھ شہروں پر قبضے، اسلام آباد اور کراچی کی فتح، اور پاکستانی عسکری قیادت کو حراست میں لینے جیسے بے بنیاد دعوے شامل تھے۔

انہوں نے مزید کہا کہ جنگی حالات کے دوران جب بھارتی فوج زمینی حقائق میں پسپا ہو رہی تھی، بھارتی میڈیا نے عوام کو طفل تسلیاں دینے کے لیے فرضی کامیابیاں دکھانا شروع کر دیں۔

مزید پڑھیں: پاکستان کے پاس سائبر ٹیکنالوجی کہاں سے آئی ؟عالمی طاقتیں حیران و پریشان

ان کے بقول ایسی خبریں نہ صرف صحافتی اصولوں کی خلاف ورزی تھیں بلکہ بھارتی میڈیا کو آنے والے وقتوں میں بھی بدنام کرتی رہیں گی۔

صحافی نے اس بات پر زور دیا کہ جھوٹ، پروپیگنڈا اور گمراہ کن معلومات کے ذریعے قوم کو حقیقت سے دور رکھنا ایک افسوسناک رویہ ہے جو جمہوریت، شفافیت اور صحافت کے بنیادی اصولوں کی نفی کرتا ہے۔

سیاسی ماہرین نے بھارتی صحافی کے انکشافات کو گودی میڈیا کی ساکھ پر کاری ضرب قرار دیا ہے۔ ان کا کہنا ہے کہ یہ انکشافات ثابت کرتے ہیں کہ بھارتی میڈیا ادارے ریاستی بیانیے کے پرچار میں سچ کو قربان کر رہے ہیں۔

دوسری جانب دفاعی تجزیہ کاروں کا کہنا ہے کہ جنگیں جھوٹے دعوؤں سے نہیں بلکہ عزم، ہمت اور پیشہ ورانہ حکمت عملی سے جیتی جاتی ہیں، جس کی واضح مثال معرکہ مرصوص میں پاکستانی افواج کی کارکردگی ہے۔