سجاول کے گاؤں علی نواز مگسی میں منشیات فروشوں کے ٹھکانے پر کارروائی سی آئی اے پولیس کو مہنگی پڑ گئی، ملزمان نے پولیس پارٹی کو یرغمال بنا لیا، کئی گھنٹوں بعد بازیابی ممکن ہوسکی۔

تفصیلات کے مطابق سی آئی اے پولیس نے چھاپے کے دوران ایک منشیات فروش کو گرفتار کر لیا، تاہم، اس دوران ملزمان نے انچارج سی آئی اے ٹیم  وحید مراد چانڈیو اور دیگر اہلکاروں کو یرغمال بنا لیا اور ان پر شدید تشدد کیا۔

مزید پڑھیں: منشیات کا نیٹ ورک کیسے کام کرتا ہے؟ ساجد حسن کے بیٹے نے بتادیا

کئی گھنٹے کی کشمکش کے بعد بنوں پولیس اور سکیورٹی اداروں کی مشترکہ کارروائی کے نتیجے میں انچارج سی آئی اے وحید چانڈیو کو بازیاب کرا لیا گیا۔

CIA انچارج وحید مراد چانڈیو نے بیان دیا کہ تقریباً تیس چالیس افراد نے انہیں گھیر کر اغوا کیا اور تشدد کا نشانہ بنایا۔ ان کا کہنا تھا: “منشیات فروشوں کا ٹولہ مجھے اغوا کرکے لے گیا اور تشدد کیا”۔ا

بازیابی کے بعد پولیس نے ملزمان کے خلاف اغوا، تشدد اور منشیات فروشی کے مقدمات درج کئے ہیں، ملزمان کے خلاف مزید کارروائیاں جاری ہیں۔

مزید پڑھیں: سندھ میں منشیات فروشوں اور کیمیکل ملا دودھ کی فروخت کے خلاف سخت کارروائی کا فیصلہ

انچارج سی آئی سے وحید مراد چانڈیو نے اس عزم کا اظہار کیا کہ “منشیات فروشوں کو جلد گرفتار کر کے علاقے سے منشیات ختم کریں گے”۔

انتظامیہ نے بھی کہا ہے کہ ملزمان کے خلاف تین مختلف مقدمات درج کیے گئے ہیں، جن میں اغوا، تشدد اور منشیات سے متعلق الزامات شامل ہیں، اور علاقے میں صفائی مہم جاری رکھی جائے گی۔