سعودی عرب میں 18 پاکستانی عازمینِ حج انتقال کر گئے، جنت البقیع میں تدفین

ویب ڈیسک

14th Jun, 2025. 04:18 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سعودی عرب میں 18 پاکستانی عازمینِ حج انتقال کر گئے، جنت البقیع میں تدفین

سعودی عرب میں جاری رواں سال کے حج کے دوران اب تک 18 پاکستانی عازمینِ حج انتقال کر چکے ہیں۔

وزارتِ مذہبی امور کے ذرائع کے مطابق جاں بحق حجاج میں 10 مرد اور 8 خواتین شامل ہیں۔

ذرائع کا کہنا ہے کہ انتقال کرنے والے بیشتر افراد کی عمریں زیادہ تھیں، اور ان کی اموات کی بنیادی وجوہات ہارٹ اٹیک اور دیگر طبی مسائل تھیں۔ انتقال کرنے والے تمام افراد کی تدفین مدینہ منورہ کے مقدس قبرستان جنت البقیع میں کر دی گئی ہے۔

وزارتِ مذہبی امور کے مطابق پاکستانی حجاج کی صحت و سلامتی کے لیے تمام ممکنہ اقدامات کیے جا رہے ہیں، تاہم شدید گرمی اور عمر رسیدگی کے باعث طبی پیچیدگیاں بڑھ جاتی ہیں۔

یاد رہے کہ گزشتہ برس حج کے دوران 35 پاکستانی حجاج انتقال کر گئے تھے، جب کہ اس سال اب تک یہ تعداد 18 ہو چکی ہے۔

متعلقہ حکام نے لواحقین سے رابطے میں تعاون جاری رکھا ہوا ہے، اور وفات پانے والے عازمین کے لیے دعائے مغفرت کی اپیل بھی کی گئی ہے۔