آرٹیکلز
-
کراچی سے کوئٹہ آنے والی مسافر کوچ پر فائرنگ، 3 افراد جاں بحق، 7 افراد شدید زخمی
-
سندھ میں ضمنی بلدیاتی انتخابات، پیپلز پارٹی کا پلڑا بھاری، 16 نشستیں جیت لیں
-
اقوام متحدہ میں نائب وزیراعظم اسحاق ڈار کا خطاب، غیر منصفانہ مالیاتی نظام اور قرض بحران پر کڑی تنقید
-
وزیراعظم اور سری لنکن صدر کی ملاقات، دوطرفہ تعلقات کو نئی جہت دینے پر اتفاق
Advertisement
بلوچستان کے ضلع قلات کے علاقے نمرغ میں کراچی سے کوئٹہ آنے والی مسافر کوچ پر فائرنگ کا ہولناک واقعہ پیش آیا، جس کے نتیجے میں 3 افراد جاں بحق اور 7 شدید زخمی ہو گئے۔ واقعے نے علاقے میں خوف و ہراس پھیلا دیا۔
واقعے کے فوراً بعد سیکیورٹی فورسز، ضلعی انتظامیہ اور ریسکیو ٹیمیں جائے وقوعہ پر پہنچ گئیں۔ علاقے کو مکمل گھیرے میں لے کر سرچ آپریشن شروع کر دیا گیا ہے۔ حکومتی ترجمان کے مطابق حملہ آوروں کا تعاقب جاری ہے۔
مزید پڑھیں: بلوچستان میں دہشتگردوں کی بزدلانہ کارروائی، پنجاب جانے والی بسوں سے اتار کر 9 مسافر شہید کردیے
زخمیوں کو فوری طور پر ڈی ایچ کیو اسپتال قلات منتقل کیا گیا ہے جہاں ایمرجنسی نافذ کر دی گئی ہے۔ ڈاکٹروں کے مطابق بعض زخمیوں کی حالت نازک ہے، جس کے باعث ہلاکتوں میں اضافے کا خدشہ ہے۔
ابھی تک یہ واضح نہیں ہو سکا کہ حملہ عام شہریوں کو نشانہ بنانے کی نیت سے کیا گیا یا کوچ کسی مخصوص ہدف پر تھی۔ سیکیورٹی ادارے ہر پہلو سے تحقیقات کر رہے ہیں۔
Advertisement
ترجمان حکومت بلوچستان شاہد رند نے واقعے کی شدید مذمت کرتے ہوئے اسے بزدلانہ کارروائی قرار دیا اور یقین دہانی کرائی کہ حملہ آوروں کو جلد کیفرِ کردار تک پہنچایا جائے گا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
