ویمنز ون ڈے ورلڈ کپ 2025 کے اہم میچ میں آسٹریلین ویمنز کرکٹ ٹیم نے پاکستان ویمنز ٹیم کو 107 رنز سے شکست دے دی۔

پاکستان کی پوری ٹیم آسٹریلیا کے 221 رنز کے جواب میں 36.3 اوورز میں 114 رنز بنا کر آؤٹ ہو گئی۔

پاکستان کی جانب سے سدرہ امین سب سے نمایاں کھلاڑی تھیں جنہوں نے 35 رنز بنائے، فاظمہ ثناء 11، رامین شمیم 15 اور نشرہ سندھو نے 11 رنز بنائے۔

پاکستان کے 7 کھلاڑی ڈبل فیگر میں بھی داخل نہ ہو سکے۔

آسٹریلیا کی جانب سے کم گارتھ نے 3، میگن شٹ اور اینا بیل سدرلینڈ نے 2،2 کھلاڑیوں کو آؤٹ کیا۔

آئی سی سی ویمنز ورلڈ کپ 2025 کے نویں معرکے میں آسٹریلیا نے پاکستان کو جیت کے لیے 222 رنز کا ہدف دے دیا۔

 پاکستانی بولرز کی متوازن کارکردگی کے باوجود آسٹریلوی بیٹر بیتھ مونے کی شاندار سنچری نے کینگروز کو قابلِ دفاع مجموعے تک پہنچا دیا۔

میچ کا آغاز پاکستان کی جانب سے ٹاس جیت کر فیلڈنگ کے فیصلے سے ہوا۔ آسٹریلیا نے 50 اوورز میں 9 وکٹوں کے نقصان پر 221 رنز اسکور کیے۔

بیٹنگ لائن اپ میں بیتھ مونے نے 109 رنز کی دلکش اننگز کھیل کر سب سے نمایاں کردار ادا کیا، جبکہ الانا کنگ نے 51 رنز کی ناقابلِ شکست اننگز کے ساتھ ٹیم کو سنبھالا۔

دیگر آسٹریلوی بیٹرز پاکستانی بولنگ کے سامنے زیادہ دیر نہ ٹھہر سکیں۔ کپتان ایلیسا ہیلی 20، کم گارتھ 11 اور فیبی لِچ فیلڈ 10 رنز بنا سکیں۔

ایلیس پیری اور ٹاہلیا مک گرا نے 5، 5 رنز اسکور کیے، جبکہ ایشلی گارڈنر، اینابیل سندرلینڈ اور جورجیا ویرہم یکے بعد دیگرے ناکام ہوئیں۔

پاکستان کی جانب سے ناشرا سندھو نے 3 وکٹیں لے کر آسٹریلوی بیٹنگ لائن کو دباؤ میں رکھا۔ رامین شمیم اور فاطمہ ثنا نے دو، دو جبکہ سعدیہ اقبال اور ڈیانا بیگ نے ایک، ایک وکٹ حاصل کی۔