بھارت کی ہٹ دھرمی ویمنز ورلڈ کپ میں بھی برقرار، میچ سے پہلے ہاتھ نہیں ملایا

ویب ڈیسک

05th Oct, 2025. 04:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارت کی ہٹ دھرمی ویمنز ورلڈ کپ میں بھی برقرار، میچ سے پہلے ہاتھ نہیں ملایا

کولمبو: بھارت کی ہٹ دھرمی ویمنز ورلڈ کپ میں برقرار رہی اور بھارتی کپتان اور ٹیم نے میچ شروع ہونے سے قبل ہاتھ نہیں ملایا۔

آئی سی سی ویمنز کرکٹ ورلڈ کپ میں کولمبو کے پریما داسا اسٹیڈیم میں پاکستان اور بھارت کی ٹیمیں مدمقابل ہیں، جہاں پاکستان نے ٹاس جیت کر پہلے فیلڈنگ کا فیصلہ کیا، تاہم بھارت کی جانب سے اسپورٹس مین اسپرٹ کی دھجیاں بکھیرنے کا سلسلہ جاری رہا۔

دونوں ٹیموں کے کپتانوں کے درمیان میچ سے قبل ہینڈ شیک نہیں ہوا، جو بھارت کی جانب سے کھیلوں میں بھی سیاست کو داخل کیے رکھنے کی عکاسی کرتا ہے۔

واضح رہے کہ اس سے قبل بھارتی ٹیم نے ٹی ٹوئنٹی میچ میں بھی اسی ہٹ دھرمی کا مظاہرہ کیا تھا اور صدر آئی سی سی محسن نقوی سے ٹرافی لینے سے بھی انکار کردیا تھا۔ جس کے بعد بھارتی ٹیم کو وننگ ٹرافی نہیں دی گئی اور ٹرافی نہ دینے کا تنازعہ ابھی تک جاری ہے۔

یاد رہے کہ آئی سی سی ویمنز کرکٹ ورلڈ کپ میں آج روایتی حریفوں پاکستان اور بھارت کے درمیان ہونے والا میچ بارش کے باعث متاثر ہونے کا خدشہ بھی ظاہر کیا گیا ہے۔