پاکستانی کھلاڑیوں سے ہاتھ نہ ملانے پر بھارتی ٹیم کو دنیا بھر میں شدید تنقید کا سامنا ہے، اور بھارٹی ٹیم کی بے عزتی کا نہ رکنے والا سلسلہ جاری و ساری ہے۔

آسٹریلوی کھلاڑیوں کی ایک ایسی ویڈیو تیزی سے وائرل ہورہی ہے، جس میں آسٹریلوی کھلاڑی پاکستانی کھلاڑیوں سے ہاتھ نہ ملانے پر بھارتی ٹیم کا مذاق بنانے میں مصروف نظر آرہے ہیں۔

آسٹریلوی کھلاڑی اور سپورٹ اسٹاف نے ’بھارتی کرکٹرز کا کس طرح سامنا کرنا ہے‘ کہ عنوان سے ایک طنزیہ ویڈیو جاری کی ہے، جس میں آسٹریلوی کھلاڑیوں کو بھارتی ٹیم کا مزاق اڑاتے ہوئے دیکھا جاسکتا ہے۔

AUS players pre-India clip mocks India no-handshake theatre vs Pak. Why Aussie media & players laughing at stance sold as national pride? @BCCI @JayShah @GautamGambhir @narendramodi @ICC @MithunManhas @vikrantgupta73 @rawatrahul9 @mufaddal_vohra @PadmajaJoshi @ShivAroor pic.twitter.com/lSbuyhEcui

Advertisement

— Maham Fazal (@MahamFazal_) October 14, 2025

جوش ہیزل ووڈ، گلین میکسویل اور مچل مارش سمیت دیگر کھلاڑیوں کی ویڈیو اسپورٹس ویب سائٹ ( Kayo Sports) نے شیئر کی جس میں بھارتی ٹیم کے ہاتھ نہ ملانے کا مذاق اڑایا گیا ہے۔

آسٹریلین ٹیم کے سپورٹ اسٹاف نے کہا ہاتھ تو  یہ (بھارتی کھلاڑی) ملاتے نہیں، انہیں کس طرح ڈیل کرنا ہے؟ ہیزل ووڈ نے کہا کہ شوٹ کرنے کے انداز کے بارے میں کیا خیال ہے؟

رپورٹ کے مطابق کچھ دیر بعد ویب سائٹ سے ویڈیو ہٹادی گئی تاہم ویڈیو اب سوشل میڈیا پر وائرل ہوچکی ہے۔

واضح رہے کہ بھارتی ٹیم کی 19 اکتوبر سے آسٹریلیا میں ون ڈے سیریز شیڈول ہے، اور مذکورہ ویڈیو اسی تناظر میں بنائی گئی ہے۔