پاکستان اور افغانستان کا اے ایف سی ایشین کپ کوالیفائر میچ بغیر گول کے برابر

اسٹاف رپورٹر

09th Oct, 2025. 02:29 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان اور افغانستان کا اے ایف سی ایشین کپ کوالیفائر میچ بغیر گول کے برابر

اسلام آباد: اے ایف سی ایشین کپ سعودی عرب 2027 کے کوالیفائر میں پاکستان اور افغانستان کی ٹیمیں کوئی گول نہ کر سکیں۔

جناح اسٹیڈیم اسلام آباد میں کھیلا گیا میچ بغیر کسی گول کے برابری پر ختم ہوا۔ دونوں ٹیموں نے جیت کے لیے بھرپور کوشش کی مگر کوئی بھی ٹیم گیند کو جال تک پہنچانے میں کامیاب نہ ہوسکی۔

پاکستان اور افغانستان کے درمیان اے ایف سی کوالیفائر کا دوسرا میچ 14 اکتوبر کو کویت میں کھیلا جائے گا۔

واضح رہے کہ اے ایف سی ایشین کپ سعودی عرب 2027 کوالیفائر میچ سے قبل اسٹیڈیم کے وی آئی پی اسٹینڈ کے باتھ روم سے پانی داخل ہوگیا تھا، جس سے ہنگامی صورتحال پیدا ہوئی اور میچ تاخیر کا شکار ہوگیا۔

تاہم، اطلاع ملنے پر صفائی کا عملہ فوری طور پر موقع پر پہنچا اور اسٹینڈ سے پانی نکالنے میں مصروف رہا، جبکہ کھلاڑی پریکٹس میں مصروف رہے۔

پاکستان اور افغانستان کے درمیان میچ جناح اسٹیڈیم اسلام آباد میں دوپہر 2 بجے شروع ہوا تھا جو میچ بغیر کسی گول کے برابری پر ختم ہو گیا ہے۔