روسی صدر ولادمیر پیوٹن  اکثر اپنے جداگانہ انداز کی وجہ  سے خبروں کی زینت بنتے رہے ہیں۔لیکن تازہ کارنامے میں روسی صدر کی مہمان نوازی کے چرچے خوب عام  ہوگئے۔

روسی دارالحکومت ماسکو میں میکس  2019 بین الاقوامی ایرو اسپیس میلے کی افتتاحی تقریب میں شرکت  کے بعد روسی صدر ولادمیر پیوٹن اور ترک صدر رجب طیب اردگا نے فیسٹیول کے اسٹالز کا دورہ کیا۔

اس دوران روسی صدر   نے ترک صدر کو  آئیس کریم دلوائی  جس کی ویڈیو سوشل میڈیا پروائرل ہوگئی ہے۔

ویڈیو میں دیکھا جاسکتا ہے کہ روسی صدر اپنے ترک ہم منصب کے ساتھ آئیس کریم کے ایک اسٹال پر موجود ہیں   اور دونوں  اپنی آئیس کریمز کا خوب لطف بھی لے رہے ہیں۔

Advertisement

Lol,

Erdogan asks Putin: “Aren’t you paying for my ice cream?”

Putin responds: “Of course, you are my guest” pic.twitter.com/bZObp4XI4f

— Ragıp Soylu (@ragipsoylu) August 27, 2019

روسی صدر نے اپنےوفد کے کچھ اہلکاروں کو بھی آئیس کریم خرید کر دی۔

اس موقع پر موجود میڈیا نمائندگان اس دلچسپ صورتحال کو اپنے کیمروں میں قید کرتے رہے ۔

ان دنوں ترک صدر رجب طیب اردگان  روسی دارالحکومت ماسکو میں موجود ہیں ۔انہوں نے بین الاقوامی ایرو اسپیس نمائش کا دورہ کیا۔

ترک صدر 27 اگست کو روس کے دورے پر دارالحکومت ماسکو پہنچے تھے۔

صدر ایردوان  کا زوکوسکی انٹرنیشنل ائیرپورٹ  پر  روسی وزارت خارجہ کے حکام،  ترکی کے سفیر  مہمت   سامسار  نے ان کا خیر مقدم کیا ۔

 ترک اور روسی صدور نے  5 ویں نسل کے روسی فائٹر ایس یو 57 سمیت طیاروں اور ہیلی کاپٹروں کے بارے میں معلومات حاصل کیں۔

صدر  اردگان  اور  صدر  پیوٹن نے  فیسٹویل  میں طیاروں  اور  ہیلی کاپٹروں  کا مظاہرہ بھی دیکھا۔