ہر ایک کو اپنی گاڑی بہت عزیز ہوتی ہے اور گاڑیوں کا شمار قیمتی اثاثہ جات میں بھی کیا جاتا ہے۔

اس ایک گاڑی کے چوری ہونے پر انسان کو بڑے نقصان کا سامنا کرنا پڑتا ہے جو کچھ لوگوں کے لئے ناقابل برداشت ہوتا ہے۔

گاڑی کے چوری ہونے میں ہماری اپنی لاپرواہی بھی حصہ ہوتی ہے لیکن اس چوری سے کچھ حفاظتی اقدامات کرنے سے بچا جا سکتا ہے۔

اگر آپ بھی اپنی گاڑی کو چوری ہونے سے بچانے کے لئے اس آرٹیکل کو ضرور پڑھیں اور ان اقدامات کو فالو بھی کریں۔

پارکنگ:

اڑی کو پارک کرنے کے لیے ہمیشہ ایسی جگہ کا انتخاب کریں جو کہ محفوظ ہو ایسی جگہ جو تنہا اور سنسان ہو اس جگہ پر گاڑی کو پارک کرنے سے پرہیز کریں۔

عام طور پر ہر کالونی میں گاڑی کی پارکنگ کو محفوظ بنانے کے لیے ایسے سیکیورٹی گارڈ ہوتے ہیں جو کہ پارک کی ہوئی گاڑیوں کی حفاظت کا خیال معمولی معاوضے کے عوض کرتے ہیں تو آپ بھی گاڑی پارک کرتے ہوئے ایسی ہی جگہ کا انتخاب کریں اس طریقے سے آپ ایک بڑے نقصان سے محفوظ رہ سکتے ہیں۔

گاڑی کا کور:

چور کے پاس چوری کے لیے محدود وقت ہوتا ہے اس لئے وہ عام طور پر ایسی گاڑیوں کا انتخاب کرتے ہیں جو کہ کور کے بغیر ہوتی ہیں۔

اس کے ساتھ ساتھ کور چڑھانے سے آپ گاڑی کے سائڈ مرر اور دیگر حصوں کو بھی چوری سے بچا سکتے ہیں لہٰذا ہمیشہ گاڑی کو پارک کرنے کے بعد اس کے اوپر مکمل کور ضرور چڑھا دیں تاکہ آپ کی گاڑی اور اس کا سامان محفوظ رہے۔

پارکنگ کی جگہ:

گاڑی کی پارکنگ کی جگہ اور اس کے شیڈول میں تبدیلی کرتے رہیں تاکہ چوروں کی منصوبہ بندی کو ناکام بنایا جا سکے۔

گاڑی میں سامان بھول جانا:

کوئی قیمتی چیز گاڑی کو پارک کرتے ہوئے گاڑی کے اندر نہ رہنے دیں یہ گاڑی کو غیر محفوظ بناتی ہیں۔

ٹریکنگ ڈیوائس:

گاڑی کے اندر ٹریکر کی موجودگی گاڑی کی لوکیشن سے آگاہ کرنے میں اہم کردار ادا کرتی ہے۔

اس کے لئے یا تو گاڑی میں باقاعدہ ٹریکر لگوایا جا سکتا ہے یا پھر اپنا کوئی پرانا ٹیبلٹ بھی اس کام کے لیے استعمال کیا جا سکتا ہے اور اس کو گاڑی میں کسی جگہ چھپا کر رکھا جا سکتا ہے۔