صابن کا استعمال ہر گھر میں ہوتا ہے اور اس کا چھوٹے ٹکڑوں میں بچ جانا ایک عام سی بات ہے لیکن کیا آپ جانتے ہیں اس کو دوبارہ بھی استعمال میں لایا جاسکتا ہے؟

اگر نہیں تو آج ہم آپ کو بتائیں گے کہ ان بچے ہوئے ٹکڑوں کا کیسے استعمال کیا جا سکتا ہے۔

ہینڈ واش بنالیں

گھروں میں ہینڈ واش کا استعمال ایک عام سی بات ہے لیکن اس مہنگائی میں ہینڈ واش خریدنا ہر ایک کے بس میں نہیں ہوتا تو ایسے میں آپ اپنے گھر میں ان بچے ہوئے صابن کے ٹکڑوں سے ہینڈ واش تیار کر سکتے ہیں۔

اس کو بنانا انتہائی آسان ہے آپ نے بس وہ بچے ہوئے ٹکڑے بلینڈر میں ڈالنے ہیں اور اس میں اتنا پانی ڈالنا ہے جس میں وہ بس اچھے سے مکس ہو سکے اور جب وہ گاڑھا گاڑھا لکوئیڈ بن جائے تو اس کو بوتل میں ڈال کر استعمال کر لیں۔

کپڑوں میں خوشبو

 صابن بنتے وقت ان میں خوشبو ڈالی جاتی ہے تو اگر ہم وہ بچے ہوئے ٹکڑے اپنی کپڑوں والی الماری میں رکھتے ہیں تو اس کے دو فائدے ہیں پہلا یہ کے کپڑوں میں خوشبو آتی ہے اور دوسرا یہ کہ الماری میں اگر کوئی کیڑا کو تو وہ بھی مر جاتا ہے۔

 سلائی کے دوران استعمال کریں

بھارت کی ایک مشہور ڈریس ڈیزائنر کہتی ہیں کہ صابن کے بچے ہوئے ٹکڑے سلائی میں بھی کام آتے ہیں، صابن کے بچے ہوئے ٹکڑے کپڑوں پر چاک کی جگہ استعمال کیے جا سکتے ہیں اور ان پر سوئیاں لگا دی جائیں تو وہ بھی محفوظ رہتی ہیں۔