دنیا میں ایسے افراد کی کمی نہیں ہے جو دوسروں کے لیے اپنی ذمہ داریوں کا نہ صرف احساس رکھتے ہیں بلکہ ہمیشہ ہی مدد کے لیے تیار رہتے ہیں اور یہ کام وہ کسی حد تک اپنا فرض سمجھ کر کرتے ہیں، تاہم یہ اچھا عمل کبھی کبھار برا بھی ثابت ہوسکتا ہے اور ہر کسی کے لیے ذمہ دار ہونا درست نہیں ہے۔

ایک ماہر نفسیات کا کہنا ہے کہ ضرورت سے زیادہ ذمہ دار لوگ اکثر دوسروں کو ’’خوش کرنے والے‘‘ہوتے ہیں جو دوسروں کو ترجیح دینے کے لیے اپنی ضروریات اور احساسات کو نظر انداز کرتے ہیں۔

ان کا مزید یہ بھی کہنا ہے کہ ایسے افراد  اکثر غلط وجوہات کی بنا پر اچھے کام کرتے ہیں یا بہتر رویہ پیش کرتے ہیں کیونکہ وہ اس سے نمٹنے کے کسی اور طریقے کے بارے میں نہیں جانتے ۔

کیا آپ بھی حد سے زیادہ ذمہ دار کا احساس رکھتے ہیں؟ یہاں پر ان علامتوں کا ذکر کیا جارہا ہے جن سے آپ اپنے بارے میں جان سکتے ہیں۔

آپ کسی کو نہ نہیں کہہ سکتے، اور کسی کام کے انکار یا نہ کہنے پر خود مجرم محسوس کرنے لگتے ہیں۔

آپ کو کسی سے مدد مانگنے یا حاصل کرنے کے لیے جدوجہد کرنے پڑتی ہے۔

اپنے آپ کو دوسروں سے نمایاں اور زیادہ توجہ حاصل کرنے کے لیے پریشان رہتے ہیں۔

آپ اپنی ضروریات اور امیدوں کو خود سے دور اور اس سے اپنی ذات کو محروم رکھتے ہیں۔

آپ اس بات پر بھروسہ نہیں کرتے کہ کوئی دوسرا یہ ذمہ داری قبول نہیں کرے گا لہذا آپ ہی  اسے سنبھال لیں۔

 آپ کا مقصد حد سے زیادہ آزادی حاصل کرنا ہوتا ہے۔

مزید برآں، زیادہ ذمہ دار لوگ اکثر اپنے پیاروں کے لیے معالج کا کردار ادا کرتے ہیں لیکن جب لوگ ان کی مہربانی  کو اپنا حق سمجھتے ہیں تو یہ ناراض ہوجاتے ہیں۔

وہ اکثر اپنے جذبات یا ضروریات کو ترجیح نہیں دیتے اور دوسروں کے جذبات کو قبول کرتے ہیں۔

یہ تمام علامات حد سے زیادہ زمہ داری کے احساس کو ظاہر کرتی ہے تاہم ان عادات کو ترک کرنے کی کوشش کریں تاکہ آپ  دوسروں کے ساتھ اپنی زندگی کو بھی بہتر بنا سکیں۔

جس طرح آپ دوسروں کے لیے ان تمام  باتوں کا خیال رکھتے ہیں اب اپنے لیے کرنا شروع کر دیں، آپ دوسرے لوگوں کو تبدیل نہیں کر سکتے لیکن خود کو کرسکتے ہیں۔

کسی کے منفی ردعمل پر خود پر دباؤ نہ ڈالیں، آپ کو اس پر کنٹرول نہیں ہے کہ وہ کیسے رد عمل ظاہر کرتا ہے اور آپ ہر کسی کو نہ تو خوش کر سکتے ہیں اور نہ ہی پسند کر سکتے ہیں۔

ایک کاغذ لے کر اس پر ایسے تمام کاموںکے بارے میں تحریر کریں جو آپ دوسروں کے لیے کرتے ہیں تو آپ دیکھیں گی ان میں بہت سے کام اور باتیں غیر ضروری تھیں جن کی وجہ سے آپ کافی پریشانی میں مبتلا رے۔

زیادہ ذمہ داری کے اس احساس کو تبدیل کرنا ایک مشکل عادت ہوسکتی ہے، اس کی وجہ یہ ہے کہ دوسروں کی مدد کرنے سے آپ کو اچھا لگتا ہے، آپ خود کو قابل محسوس کرتے ہیں، اپنے تناؤ کو کم کرتے ہیں، اور تنازعات سے بچتے ہیں۔ لیکن بظاہر بے ضرر دکھائی دینے والی اس عادت کو دوسروں کے ذریعے تقویت ملتی ہے جو بعد میں آپ سے مدد کی توقع کرنے لگتے ہیں۔

ماہرین نے اس بات پر زور دیا کہ وہ اس رویے کو خود درست کرنے کے لیے اس وقت کا انتظار نہ کریں کہ جب لوگ آپ کے مدد نہ کرنے پر ناراض ہونے لگیں۔

اپنی ذمہ داری کا حق ادا کرنے کا مطلب ہرگز یہ نہیں ہے کہ اس عادات کو ترک کر دیا جائے بلکہ اسے توازن میں لانے کی ضرورت ہے، اپنی ذمہ داری کا 100 فیصد ادا کر دیں، لیکن اس سے زیادہ نہیں، اس طرح آپ غیر ضروری تناؤ سے بچیں گے اور دوسروں کو بااختیار بنائیں گے اور ان کو بڑھنے میں مدد دیں گے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں