بچے اپنی زندگی کے پہلے سال کے دوران ایک غیر معمولی رفتار سے زبان سیکھتے ہیں، لیکن یہ زیادہ تر ایک معمہ رہا ہے کہ کس طرح پیدائش سے پہلے زبان کی نمائش ان کے دماغ کو ایک مخصوص زبان کو سیکھنے پر مجبور کرتی ہے۔

 تاہم اب، سائنس ایڈوانسز میں شائع ایک نئی تحقیق کے مطابق نوزائیدہ بچوں کے دماغ کی لہریں اس زبان کے ساتھ مطابقت رکھتی ہیں جس کا انھیں اکثر بچہ دانی میں سامنا ہوتا ہے۔

یہ نتائج آج تک کے سب سے زیادہ غیر معمولی  ثبوت فراہم کرتے ہیں کہ زبان کا تجربہ بچے کے دماغ کی فعال تنظیم کو پہلے ہی تشکیل  دےدیتا ہے، یہاں تک کہ پیدائش سے قبل۔

اگرچہ زیادہ تر نوزائیدہ بچوں کو  سب سے زیادہ سننے والا سمجھا جاتا ہے، جو کسی بھی زبان کو سیکھنے کے لیے ضروری ہوتا ہے، یہی وجہ ہے کہ پہلی سالگرہ تک، بچوں کے دماغ ان کی مادری زبان کی آوازوں کے لیے ماہر ہو جاتے ہیں۔ اگرچہ یہ پہلا سال زبان کی نشوونما کے لیے اہم ہے، تحقیق بتاتی ہے کہ قبل از پیدائش کا تجربہ سمعی اور تقریر کے ادراک کے لیے بنیاد بنانے میں بھی مدد کر سکتا ہے۔

حمل کے پانچ سے سات ماہ کے درمیان، جنین رحم سے باہر کی آوازیں سننا شروع کر سکتا ہے۔ پیدائش کے کچھ ہی دنوں بعد، شیر خوار بچوں نے ظاہر کیا ہے کہ وہ اپنی ماں کی آواز اور مادری زبان کو ترجیح دیتے ہیں۔ نوزائیدہ بچے یوٹرس میں سنی جانے والی تال اور دھنوں کو بھی پہچان سکتے ہیں، اور موسیقی سے قبل از پیدائش کی نمائش انہیں موسیقی کی صلاحیتوں کو بڑھانے میں مدد دے سکتی ہے۔ لیکن یہ واضح نہیں ہے کہ کیا زبان کے لیے بھی یہی کہا جا سکتا ہے۔

بچے پیدائش سے قبل اپنی ماں سے بہت کچھ حاصل کرتے ہیں تاہم ایک نئی تحقیق کے مطابق وہ اپنی ماردی زبان بھی اپنی ماں سے ہی سیکھ سکتے ہیں جب وہ گفتگوکر رہی ہوتی ہے۔

نوزائیدہ بچے جب اپنی مادری زبان کو سنتے ہیں تو اس کا جواب مختلف طریقوں سے دیتے ہیں، ان کا یہ جواب دینا اس جانب اشارہ کرتا ہے، پیدائش سے قبل بچہ دانی میں زبان کا سننا سیکھنے میں مدد فراہم کر سکتا ہے۔

ایک نئی تحقیق میں نوزائیدہ بچوں کے ساتھ کچھ تجربات کیے گیے جس سے پتا چلا کہ وہ اپنی مادری زبان سے پہلے ہی شناسائی رکھ سکتے ہیں، اور یہ اس بات کی طرف کا اشارہ ہے کہ زبان سیکھنے کا عمل پیدائش سے قبل ہی شروع ہوجاتا ہے۔

جوڈٹ گیروین جو اٹلی کی پادوا یونیورسٹی میں ترقیاتی اور سماجی نفسیات کے شعبہ کی پروفیسر ہیں کے مطابق یہ بات سب جانتے ہیں جنین حمل کے اختتام پر سنتے ہیں۔ اس طرح نوزائیدہ بچے اپنی ماں کی آواز کو پہچان سکتے ہیں اور اسے دوسری خواتین کی آوازوں پر ترجیح دیتے ہیں، اور وہ اس زبان کو بھی پہچان سکتے ہیں جو ان کی ماں نے حمل کے دوران بولی تھی۔

اس بات کی تصدیق کے لیے گیروین اور اس کے ساتھیوں نے مزید تحقیق کی جس کے لیے انہوں نے فرانسیسی بولنے والی ماؤں کے ساتھ 49 بچوں کی دماغی سرگرمی کا مطالعہ کیا واضح رہے کہ ان بچوں کی عمر ایک دن سے پانچ دن کے درمیان تھی۔

ہر نوزائیدہ کو ایک چھوٹی سی ٹوپی پہنائی گئی تھی جس میں 10 الیکٹروڈ نصب تھے انہیں دماغ کے ان جگہوں کے قریب رکھا گیا تھا جو کسی بھی تقریر کا ادراک کرسکتے تھے۔

اس کے بعد ٹیم نے ایک ریکارڈنگ چلائی جس کی ابتدا میں 3 منٹ کی خاموشی تھی پھر انگریزی، فرانسیسی اور ہسپانوی زبانوں میں کہانی گولڈی لاکس اور تھری بیئرز کے 7 منٹ کے اقتباسات مختلف ترتیبوں میں سنائے گئے، جبکہ اس کے بعد پھر خاموشی تھی۔

جب بچوں نے فرانسیسی آڈیو کو سنا، تو ٹیم نے طویل مدتی تقریر اور زبان سیکھنے سے وابستہ دماغی سگنلز میں اضافہ کو نوٹ کیا جسے لانگ رینج ٹیمورل کوریلیشن کہا جاتا ہے، یہ سگنل تقریر کے ادراک اور پروسیسنگ سے منسلک ہے۔ جب بچے دوسری زبانیں سنتے تھے تو یہ اشارے کم ہو جاتے تھے۔

17 بچوں کے گروپ میں جنہوں نے آخری بار فرانسیسی زبان سنی، ٹیم نے پایا کہ اس کے بعد ہونے والی خاموشی کے دوران اعصابی سرگرمیوں میں یہ اضافہ برقرار رہا۔

 محققین نے اس تحقیق سے یہ نتیجہ اخذ کیا کہ بچے پیدائش سے قبل ہی نہ صرف ماں کی آواز سے مانوس ہوتے ہیں بلکہ وہ اپنی مادری زبان سے بھی شناسائی رکھتے ہیں جو حمل کے دوران ماؤں کے ذریعے سنتے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں​