طب کی دنیا سے ایک عجیب و غیرب خبر آئی ہے اور سائنسدانوں نے یہ انکشاف کیا ہے کہ خواتین کے آنسوؤں میں ایک ایسا کیمیکل پایا جاتا ہے جومرد کو غصے اور اشتعال کو کافی حد تک کم کرسکتا ہے۔
واضح رہے کہ سب سے پہلے اس کے تجربات مادہ چوہوں کے آنسوؤں پر کیے گئے جس سے پتاچلا کہ مادہ کے آنسوؤں میں ایک خاص کیمیکل غیض وغضب میں مبتلا چوہوں پر آزمایا گیا تو ان کے غصے اور اشتعال میں چالیس فیصد کمی دیکھی گئی۔
اس کے بعد سائنسدانوں نے ایک ایسا گیم بنایا اور اسے مرد حضرات کو کھیلنے کو دیا گیا اور انہیں اس کھیل کے دوران بار بار بلواسطہ یا بلا واسطہ اشتعال دلایا گیا، اس کھیل کے دوارن انہیں سونگھنے کے لیے دوا دی گئی تھی جس میں خواتین کے آنسوؤں سے اخذ شدہ کیمیکل کو شامل کیا گیا تھا جب جب انہوں نے اشتعال کے دوران اس کیمیکل کو سونگھا تو ان کے غصے میں چالیس فیصد تک کمی آئی اور ان کا رویہ بہترہوتا گیا۔
اس تحقیق کے دوران یہ بھی نوٹ کیا گیا کہ مردوں کا رویہ معمول پر آنا شروع ہوا اور اس سے یہ بات ثابت ہوئی ہے کہ خواتین کے آنسوؤں میں ایک ایسا کیمیکل پایا جاتا ہے جو مردوں کے اشتعال اوران کے غضب کو کم کرسکتا ہے۔
حیرت انگیز طور پر اس دوران مرد حضرات کے دماغ کے ان حصوں کا معائنہ کیا گیا جہاں اشتعال پیدا ہوتا ہے تو جیسے جیسے انہوں نے یہ کیمیکل سونگھا تو وہاں سگنل سرگرمی اور ایکٹیویٹی بھی کم دیکھی گئی۔
یہ تحقیق اسرائیل کی وائزمان انسٹیٹوٹ آف سائنس اینڈ ٹیکنالوجی کے پروفیسر شینی ایگرون نے کی ہے جوکہ ایک محقق ہیں۔ ان کا کہنا ہے کہ مرد چوہوں کو جب مادہ چوہے کے آنسو سونگھائے گئے تو ان کا غضب ناک رویہ بلکل ہی ختم ہوگیا جبکہ انہوں نے اس عمل کو کیموسگنلنگ کا نام دیا ہے اور ان کا کہنا ہے کہ اس سے اینگر مینجمنٹ یا غصے کو کنٹرول کرنے کے لیے مؤثر دوائیں بھی بنائی جاسکتی ہیں۔
سائنسدانوں کا یہ بھی کہنا ہے کہ وہ اس ضمن میں مزید تحقیق کر رہے ہیں اور اگلے مرحلے کے اندر انسانوں کی بہت بڑی تعداد پر اس کی آزمائش کی جائے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News