ٹیکساس کے ایک شخص نے دنیا کے معمر ترین اسکائی ڈائیور ہونے کا عالمی اعزاز حاصل کرلیا

ویب ڈیسک

11th May, 2024. 05:01 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ٹیکساس کے ایک شخص نے دنیا کے معمر ترین اسکائی ڈائیور ہونے کا عالمی اعزاز حاصل کرلیا

ٹیکساس سے تعلق رکھنے والے الفریڈ ’ال‘ بلیشکے نے 106 سال اور 327 دن کی عمر میں اسکائی ڈائیونگ کر کے ایک بار پھر سب سے معمر اسکائی ڈائیورہونے کا عالمی اعزاز اپنے نام کر لیا ہے۔

واضح رہے کہ الفریڈ ’ال‘ بلیشکے نے سب سے پہلے اسکائی ڈائیور کا یہ اعزاز 2020 میں 103 سال کی عمر میں قائم کیا تھا اس وقت بھی وہ یہ اعزاز حاصل کرنے والے دنیا کے سب معمرترین فرد تھے۔ بعد ازاں اس ریکارڈ کو سوئیڈش خاتون روت لِینیا لارسن نے 103 سال 257 دن کی عمر میں توڑدیا تھا۔

تاہم الفریڈ ’ال‘ بلیشکے نے 106 سال اور 327 دن کی عمر میں اسکائی ڈائیونگ کر کے اپنا اعزاز دوبارہ حاصل کر لیا ہے۔ اس کوشش میں ان کے ساتھ ٹیکساس حکومت کے گریگ ایبٹ نے بھی حصہ لیا۔

الفریڈ ’ال‘ بلیشکے نے گینیز ورلڈ ریکارڈز سے بات کرتے ہوئے کہا کہ اگر آپ یہ سوچتے ہیں کہ آپ نہیں کر سکتے تو آپ خود کو کم تر سمجھ رہے ہیں۔ ہر کوئی اس سے زیادہ با صلاحیت ہوتا ہے جتنا وہ خود ہوتا ہے، انہیں بس کوشش کرنے کا فیصلہ کرنے کی ضرورت ہوتی ہے ۔