ماہرین کا کہنا ہے کہ پاکستان کے اسٹارٹ اپ ایکو سسٹم کو 2023ء کے ابتدائی چند ماہ میں کم فنڈنگ حاصل ہونے کا امکان ہے،جیساکہ عالمی سست روی، بلند شرح سود اورمقامی محاذ پرسیاسی اوراقتصادی غیر یقینی صورتحال مجموعی کاروباری جذبات کو متاثر کرے گی۔آئی ٹو آئی(i2i) وینچرز کی ایک رپورٹ سے ظاہر ہوا ہے کہ 2022ء کی تیسری سہ ماہی کے دوران پاکستانی اسٹارٹ اپس کی فنڈنگ میں کمی آئی، جیسا کہ ان وینچرزنے 2021ء کی اسی سہ ماہی میں 177 ملین ڈالر کے مقابلے میں 65اعشاریہ5 ملین ڈالراکٹھے کیے۔

تیسری سہ ماہی میں تین سب سے بڑے سودوں میں ڈی بینک کا 17اعشاریہ6 ملین ڈالرکا سیڈ راؤنڈ شامل ہے، جس نے پاکستان میں سیکویا کی پہلی سرمایہ کاری اورپاکستان میں آج تک کی سب سے بڑی سیڈ راؤنڈ بھی شامل تھی۔

2022ء کےابتدائی چھ ماہ میں پاکستان میں اسٹارٹ اپس نے 2022ء کے ابتدائی چھ مہینوں میں 45 سودوں میں مجموعی طور پر 284اعشاریہ89 ملین ڈالرکی ظاہری فنڈنگ کی۔

حیدرآباد کے نیشنل انکیوبیشن سینٹر (NIC) کے پروجیکٹ مینیجر سید اظفر حسین نے کہا کہ پاکستانی اسٹارٹ اپس میں فنڈنگ میں سست روی ایک عالمی رجحان ہے،جس میں مقامی حالات بھی اہم کردار ادا کررہے ہیں۔

انہوں نے کہا کہ یہ واضح ہے کہ سٹارٹ اپ سال کےپہلے نصف حصے کے دوران فنڈز اکٹھا کر رہے تھے۔ تاہم، فنڈنگ میں کمی آئی، کیونکہ 2022ء کے بعد کے عرصے میں ٹائیگر گلوبل جیسی بڑی وینچر کیپیٹل کمپنیاں سکڑ گئیں۔

سید اظفرحسین کے مطابق اس شعبے کے شرکاء اور بانیوں کو ایسے آئیڈیاز پیش کرنے کی ضرورت ہے جو غیر ملکی سرمایہ کاری کو راغب کریں۔انہوں نے کہا کہ اگر ہم مقامی ماحولیاتی نظام کو دیکھیں تو ہم دیکھتے ہیں کہ زیادہ ترمصنوعات صرف مقامی آبادی کی ضروریات کو پورا کر رہی ہیں۔ سرمایہ کاراوروینچرکیپیٹلسٹ عام طور پران خیالات کی حمایت کرتے ہیں، جوعالمی سطح پر قابل توسیع ہیں۔

انہوں نےایئرلفٹ (Airlift) اور ایس ڈبلیو وی ایل( SWVL ) کے آپریشنز سے اپنی دلیل پیش کی ،جو دو مختلف مارکیٹوں میں بھی حصہ لے رہے تھے، جس نے عالمی وینچر کیپیٹل فنڈزکی توجہ حاصل کی۔

سید اظفرحسین نے ریمارکس دیے کہ موجودہ منظر نامے میں فنڈز حاصل کرنا اسٹارٹ اپ کے بانیوں کے لیے ایک مشکل کام بنتا جا رہا ہے، کیونکہ یہ وینچرزاعلیٰ ترقی اورتوسیع پذیرکاروبار ہیں،جن میں ٹیکنالوجی کو اپنانا ایک اہم کردارادا کرتا ہے۔

انہوں نےمزید کہا کہ حکومت کو پاکستان میں تکنیکی مصنوعات کو قابل توسیع اور پائیدار بنانے کے لیے کم قیمتوں پرٹیکنالوجی اوراس سے منسلک مصنوعات تک آسان اور ہموار رسائی کی سہولت فراہم کرنے کی ضرورت ہے۔ ملک کے ماحولیاتی نظام میں ای کامرس اسٹارٹ اپس فنڈ جمع کرنے میں رہنمائی کرتے ہیں۔

سید اظفرحسین کے لیے بانیوں کوای کامرس کے شعبے سے آگے بڑھ کر فنٹیک،ایڈٹیک، ہیلتھ ٹیک اوردیگر شعبوں میں آئیڈیازاورمصنوعات کی بنیاد رکھنے کی ضرورت ہے۔

انہوں نے مزید کہا کہ تاہم،ان اسٹارٹ اپس کی کامیابی کے لیے ضروری ہے کہ بانیوں کو ایسے آئیڈیاز سامنے لانے چاہئیں،جو معاشرے کے کسی مخصوص طبقے کوہدف بنانے کی بجائے صارفین کے زیادہ تر مسائل کوحل کرتے ہوں۔

سید اظفرحسین نے ریمارکس دیے کہ ٹیکنالوجی کے بڑے اداروں میں چھانٹیوں کا مجموعی طورپرشعبے پربھی منفی اثرپڑا، ٹویٹرنے بڑے پیمانے پر چھانٹیوں اور اپنی کنٹریکٹ افرادی قوت میں زبردست کٹوتیوں پرعمل کیا۔انہوں نے مزید کہا کہ حالیہ مہینوں میں ٹیک کمپنیاں ہزاروں کارکنوں کو ملازمت سے برخاست کررہی ہیں۔ ایک اندازے کے مطابق صرف 2022ء میں میٹا، ایمیزون، نیٹ فلکس اورگوگل سمیت ٹیکنالوجی کی بڑی کمپنیوں میں 1لاکھ 20ہزار سے زیادہ لوگوں کو ملازمت سے برخاست کر دیا گیا ہے، جب کہ چھوٹی فرمیں اوراسٹارٹ اپ بھی اپنے ملازمین کو نکال رہے ہیں۔

انہوں نے کہا کہ مہنگائی کے دباؤ، شرح سود میں اضافے اور کساد بازاری کے خدشات کی وجہ سے عالمی منڈیوں میں اتار چڑھاؤ بدستور برقرار ہے۔انہوں نے مزید کہا کہ عالمی وینچرکیپٹل سرمایہ کاری 2021ء کی ریکارڈ سیٹنگ سطحوں سے کم ہوتی جارہی ہے،جو دوسری سہ ماہی میں 60 ارب ڈالر کے مقابلے میں 2022ء کی تیسری سہ ماہی میں 37 فیصد کم ہوکر 37 ارب ڈالر رہ گئی۔

امریکی فیڈرل ریزرو نے 2 نومبر کو مسلسل چوتھی بارشرح سود میں تاریخی اضافہ کیا، جس میں بڑھتی ہوئی افراط زرکوکم کرنے کی کوشش میں 0اعشاریہ75 فیصد پوائنٹ کا اضافہ ہوا۔ جیسا کہ امریکی ٹریژری بانڈز میں پیداوارکا گراف اوپریا نیچے جاتا ہے،اسی کے مطابق عالمی شرحیں مقررکی جاتی ہیں۔

 چونکہ ٹریژری بانڈز کو خطرے سے پاک اثاثہ تصور کیا جاتا ہے، اس لیے کسی بھی دوسرے سرمایہ کاری کے منصوبے کو پرکشش رہنے کے لیے زیادہ پیداوار کی پیشکش کرنی چاہیے اور شرح سود میں مزید اضافے کی توقع ہے، جس کی وجہ سے عالمی سرمایہ کار اپنی رقم امریکا میں جمع کر رہے ہیں، ابھرتی ہوئی منڈیوں کو پرکشش رہنے کا دباؤ ایک اہم چیز محسوس ہوتی ہے۔

یو ایس فیڈ کے علاوہ بینک آف انگلینڈ،ریزروبینک آف آسٹریلیا، ناروے کے نورجیس بینک، سویڈن کے رکس بینک اور ریزرو بینک آف نیوزی لینڈ نے بھی نومبر میں اپنی شرح سود میں اضافہ کیا۔

پاکستان کے اپنے مسائل غیر ملکی سرمایہ کاری کمپنیوں کے ساتھ ساتھ مقامی کمپنیوں کے لیے بھی باعث تشویش ہیں۔ سیاسی اور معاشی عدم استحکام سرمایہ کاروں کو دور دھکیلنے کے ساتھ ملک ایک مشکل مرحلے سے گزر رہا ہے۔رواں برس25 نومبرکو اسٹیٹ بینک آف پاکستان (SBP) نے بڑھتے ہوئے افراط زر کو روکنے کے لیے اپنی بینچ مارک شرح سود کو 100 بیسس پوائنٹس اضافے کے ساتھ 16 فیصد کر دیا، جوکہ 1999ء کے بعد اب تک کی سب سے زیادہ شرح سود ہے۔

اسٹیٹ بینک نے ایک بیان میں کہا کہ یہ فیصلہ مالیاتی پالیسی کمیٹی کے اس نظریے کی عکاسی کرتا ہے کہ افراط زرکا دباؤ توقع سے زیادہ مضبوط اورمستقل ثابت ہوا ہے ۔خیال رہے کہ مرکزی بینک نے 2022ء میں شرح سود میں مجموعی طورپر 625 بیسس پوائنٹس کا اضافہ کیا ہے۔شرح سود میں اضافے کی وجہ سے قرض لینے کے زیادہ اخراجات کے ساتھ سرمایہ کاری کے شعبے کو بھی نقصان پہنچا۔

علاوہ ازیں سیاسی محاذ پرپاکستان کی سب سے بڑی حزب اختلاف کی جماعت نے ملک کے بڑے حصوں میں ریکارڈ مون سون بارشوں اور سیلاب سے ہونے والی تباہی سے پریشان حکومت کے خلاف جارحانہ رویہ اختیار کیا ہوا ہے۔

پاکستان تحریک انصاف (پی ٹی آئی) قبل ازوقت انتخابات کا مطالبہ کر رہی ہے، ایک ایسا مطالبہ جس میں حکومت کو کوئی دلچسپی دکھائی نہیں دیتی۔اس کے نتیجے میں پاکستان بھرمیں پی ٹی آئی نے احتجاج اورریلیاں نکالیں، جس سے سرمایہ کاروں کے اعتماد کو مزید ٹھیس پہنچی اور اس کے نتیجے میں اسٹارٹ اپ ایکو سسٹم کے لیے فنانسنگ کو نقصان پہنچا۔