مریم نواز اب مسلم لیگ ن کی کرتا دھرتا ہیں، لیکن اس سے ہر کوئی خوش نہیں

اگرچہ پاکستان مسلم لیگ (نواز) کے سپریم لیڈر نواز شریف کی سیاسی وارث مریم نواز سابق وزیر اعظم شاہد خاقان عباسی کو پارٹی میں رہنے کے لیے راضی کرنے میں کامیاب ہو گئی ہیں۔ تاہم، انہیں پارٹی پر اپنی گرفت مضبوط کرنے اور اسے برقرار رکھنے کےلیے ابھی بھی سخت جدوجہد کرنا پڑ رہی ہے۔

وزیر اعظم شہباز شریف کے کیمپ کا حصہ سمجھے جانے والے مسلم لیگ ن کے ایک سینئر رہنما نے نام ظاہر نہ کرنے کی شرط پر بول نیوز کو بتایا کہ مریم نواز کو پارٹی کے سینئر نائب صدر اور چیف آرگنائزر کے عہدے پر فائز کرنے کے فیصلے سے  پارٹی اور نواز شریف کے آزمائے ہوئے ساتھیوں کے لیے اس پیش رفت سے مفاہمت کرنا مشکل ہو رہا ہے، ان کا خیال ہے کہ یہ جماعت کی ایک خاتون کو سونپنے کے مترادف ہے۔ شریف خاندان کے بعض افراد نے بھی اس فیصلے کو نہیں سراہا ہے۔مثال کے طور پر حمزہ شہباز شریف، جو پہلے پنجاب میں پارٹی کے معاملات دیکھ رہے تھے، اب وہ پارٹی سے دوری اختیار کرتے ہوئے سیاسی منظر نامے سے غائب ہو چکے ہیں، بظاہر اپنی بیمار والدہ کی دیکھ بھال کے لیے ملک سے باہر چلے گئے ہیں۔

یہ خیال کیا جاتا ہے کہ مریم نواز کو نئی ذمہ داری دینے کا فیصلہ نواز شریف نے یکطرفہ طور پر کیا اور اس معاملے پر پارٹی کی مرکزی قیادت کو اعتماد میں نہیں لیا گیا۔جس کے بعد شاہد خاقان عباسی نے پارٹی کے سینئر نائب صدر کے عہدے سے استعفیٰ دے دیا تھا۔

جب کہ، دوسری صورت میں، بظاہر پارٹی نے اس فیصلے کو قبول کر لیا ہے۔ تاہم، اس فیصلے نے شریف خاندان کے اندر موجود اختلافات کو طشتِ ازبام کر دیا ہے۔ حمزہ شہباز، جو پنجاب میں پارٹی کے تنظیمی معاملات کو دیکھ رہے تھے، اور پچھلی دو دہائیوں سے ان کا ایک بڑا حلقہ تھا- یہاں تک کہ جب خاندان سعودی عرب میں جلاوطنی گزار رہا تھا تو حمزہ شہباز کے کٹر حامیوں میں یہ سمجھا جاتا تھا کہ مریم نوازکے لیے پارٹی میں اپنا اثر و رسوخ پیدا کرنا مشکل ہو گا۔

اس دوران شاہد خاقان عباسی، جو طویل عرصے سے نواز شریف کے قریبی سمجھے جاتے تھے اور ان کے اصرار پر پارٹی کے سینئر نائب صدر کا عہدہ قبول کر چکے تھے، اس وقت حیران رہ گئے جب انہیں مریم نواز کی سینئر عہدے پر تعیناتی کے حوالے سے بھی اعتماد میں نہیں لیا گیا۔ اس بابت نائب صدر، مسلم لیگ (ن) کے قریبی ذرائع کا کہنا ہے کہ اس انکشاف نے انہیں عملی طور پر بے کار محسوس کیا۔ لہذا، سینئر نائب صدر کے ہدے سے استعفیٰ دینے کا ان کا فیصلہ ناگزیر تھا۔

تاہم، مریم نے ان کی حمایت دوبارہ حاصل کی، اور ان کے قائل کرنے کی وجہ سے ہی شاہد خاقان عباسی راولپنڈی میں مسلم لیگ ن کے ورکرز کنونشن میں موجود تھے۔ چوہدری نثار علی خان کے برعکس جنہوں نے نواز شریف سے اس بنیاد پر علیحدگی اختیار کر لی تھی کہ وہ پارٹی میں مریم جیسے جونیئرز کے ماتحت کام نہیں کر سکتے، سابق وزیر اعظم شاہد خاقان عباسی نے اس معاملے کو زیادہ خوش اسلوبی سے نمٹاتے ہوئے کہا کہ انہوں نے سیاست میں اتحاد کر لیا ہے اور نواز شریف تین دہائیوں سے زیادہ عرصے سے ان کے قائد ہیں۔ خاقان عباسی نے مزید کہا کہا، ’’میں نے صرف محترمہ مریم نواز کو پارٹی کو آگے لے جانے کا راستہ دینے کے لیے استعفیٰ دیا ہے،کیونکہ مجھے یقین ہے کہ دفتر میں میری موجودگی پارٹی کے معاملات کو آزادانہ طور پر سنبھالنے میں رکاوٹ بن سکتی ہے۔‘‘

مریم نواز کے قریبی ذرائع نے انکشاف کیا کہ شاہد خاقان عباسی اور سابق وزیر خزانہ مفتاح اسماعیل کی جانب سے پارٹی پالیسیوں پر کڑی تنقید نے پارٹی کے اعلیٰ سطح کے رہنماؤں کو ناراض کیا تھا تاہم ان کے خلاف تادیبی کارروائی نہیں کی گئی کیونکہ پارٹی اس نازک موڑ پر جب پارٹی کو اندرونی اور سیاسی میدان میں متعدد چیلنجز کا سامنا ہے، اپنی صفوں میں دراڑیں برداشت نہیں کرسکتی۔

مریم نواز کو درپیش چیلنجز پر تبصرہ کرتے ہوئے سیاسی تجزیہ کاروں نے کہا کہ انہیں اس حقیقت سے فائدہ ہوا کہ بہت کم رہنما ایسے تھے جنہوں نے ان کی بطور چیف آرگنائزر اور پارٹی کے سینئر نائب صدر کے عہدے پر تعیناتی پر منفی ردعمل کا اظہار کیا تھا، حالانکہ اکثریت کواس پر شدید تحفظات ہیں۔ وہ فی الحال اس امید پر خاموش ہیں کہ پارٹی کے سپریم لیڈر نواز شریف جلد پاکستان واپس آکر پارٹی قیادت سنبھالیں گے۔ خیال کیا جاتا ہے کہ خواجہ سعد رفیق، سردار ایاز صادق، خواجہ آصف، رانا تنویر، سردار مہتاب عباسی سمیت کئی دیگر سینئر پارٹی رہنماؤں کے اس کیڈر کا حصہ ہیں جو اپنا وقت گزار رہے ہیں۔ غیر شکایتی طور پر موجودہ جمود کو جاری رکھنے کے ان کے فیصلے میں اضافہ، یہ حقیقت ہے کہ وہ سب اچھی طرح جانتے ہیں کہ پارٹی کی حمایت کے بغیر وہ آئندہ انتخابات میں اپنی سیٹیں واپس نہیں جیت سکتے۔ نثار علی خان کا کیس جو کبھی دو حلقوں میں ناقابل شکست سمجھے جاتے تھے، ان کے سامنے ہے۔ جب وہ مسلم لیگ (ن) کے ٹکٹ کے بغیر الیکشن میں کھڑے ہوئے تو وہ دونوں حلقوں سے ہار گئے تھے جہاں سے وہ 1985ء کے بعد تمام انتخابات میں جیتتے رہے تھے۔

سیاسی تجزیہ کاروں نے کہا کہ پاکستان مسلم لیگ (نواز) سپریم کورٹ آف پاکستان کی جانب سے نواز شریف کی نااہلی کے بعد سے تبدیلی کا شکار ہے۔ اگرچہ شہباز شریف نے پارٹی صدر کے طور پر قدم رکھا ہے لیکن وہ اپنے بڑے بھائی سے بہت زیادہ متاثر ہیں، انہوں نے پارٹی میں اپنا اثر و رسوخ پیدا کیا ہے اور اس عمل میں انہوں نے نواز شریف کے قریبی لوگوں میں سے بہت سے لوگوں کو پیچھےدھکیل دیا ہے۔

اب ایک بار پھر پارٹی کی باگ ڈور مریم نواز کے ہاتھ میں آنے کے بعد معاملات کے ایک اور عبوری حالت میں جانے کا امکان ہے۔ وہ یقینی طور پر پیچھے ہٹتے ہوئے اپنے والد کے قریبی لوگوں کو آگے لائیں گی۔ ساتھ ہی ساتھ پارٹی کے اندر اپنے گروپ کو مضبوط اور مضبوط بنائیں گی۔ ورکرز کنونشن میں اپنے حالیہ خطاب میں، انہوں نے ان تمام لوگوں کو جھنجھوڑ دیا جو ان کی نئی تفویض پر اعتراض کر رہے ہیں، اور کہا کہ پارٹی کارکنوں اور حامیوں نے ان کی بھر پور حمایت کرتے ہوئے ان کی تقرری کی توثیق کی ہے۔

اگرچہ نواز شریف کے بعد مریم نواز بلاشبہ پارٹی میں عوام میں مقبول ہیں، لیکن کیا وہ پارٹی کو جدید خطوط پر منظم کرنے میں کامیاب ہو پائیں گی اور آنے والے مہینوں میں پارٹی میں ’انکلز‘ کو موثر طریقے سے سنبھال سکیں گی اور ساتھ لے جائیں گی، یہ مستقبل میں جماعت میں ان کے مختار کل کے طور پر اس بات کا تعین کرے گا۔