پاکستان سےحج آپریشن 2019کاآغاز،پہلی حج فلائٹ مدینہ کیلئےروانہ

عمر اللہ حسینی

04th Jul, 2019. 04:56 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان سےحج آپریشن 2019کاآغاز،پہلی حج فلائٹ مدینہ کیلئےروانہ

پاکستان سے حج آپریشن 2019 کا آغازہوگیا۔ حج کی ادائیگی کے لیےعازمین کی حجاز مقدس روانگی شروع ہوگئی ہے۔

تفصیلات کے مطابق پہلی حج پرواز لاہور ایئرپورٹ سے مدینہ منورہ کیلئے روانہ ہوگئی۔ نجی ایئرلائن کی پرواز 214 عازمین کو لے کر مدینہ منورہ روانہ ہوئی ہے۔

وزیر مذہبی امور پنجاب سیدسعیدالحسن نے عازمین حج کو رخصت کیا۔حج ڈائریکٹر ریحان عباس بھی لاہور ایئرپورٹ پر موجود رہے۔

اس موقع پرخطاب کرتے ہوئے وزیرمذہبی امور پنجاب کا کہنا تھا کہ حکومت پاکستان نےعازمین کیلئے بہترین انتظامات کیے گئے ہیں، عازمین کو الوداع کہنے آنا میری خوش قسمتی ہے، انہیں حج کی مبارکباد پیش کرتا ہوں۔ عازمین حج پاکستان کو اپنی خصوصی دعاوں میں یاد رکھیں۔

سید سعید الحسن نے اس موقع پر سعودی حکومت کا بہترین انتظامات پر شکریہ بھی ادا کیا۔

سیدسعید الحسن کا مزید کہنا تھا کہ حکومت تمام عازمین کو ہر قسم کی سہولت مہیا کرے گی۔

دوسری جانب سرکاری اسکیم کے تحت کل سے حج آپریشن کا آغاز ہوگا جب کہ حجاج کی واپسی 17 اگست سے شروع ہوگی اور پوسٹ حج آپریشن 14 ستمبر تک مکمل ہوگا۔