پاکستان سے حج آپریشن 2019 کا آغازہوگیا۔ حج کی ادائیگی کے لیےعازمین کی حجاز مقدس روانگی شروع ہوگئی ہے۔
تفصیلات کے مطابق پہلی حج پرواز لاہور ایئرپورٹ سے مدینہ منورہ کیلئے روانہ ہوگئی۔ نجی ایئرلائن کی پرواز 214 عازمین کو لے کر مدینہ منورہ روانہ ہوئی ہے۔
وزیر مذہبی امور پنجاب سیدسعیدالحسن نے عازمین حج کو رخصت کیا۔حج ڈائریکٹر ریحان عباس بھی لاہور ایئرپورٹ پر موجود رہے۔
اس موقع پرخطاب کرتے ہوئے وزیرمذہبی امور پنجاب کا کہنا تھا کہ حکومت پاکستان نےعازمین کیلئے بہترین انتظامات کیے گئے ہیں، عازمین کو الوداع کہنے آنا میری خوش قسمتی ہے، انہیں حج کی مبارکباد پیش کرتا ہوں۔ عازمین حج پاکستان کو اپنی خصوصی دعاوں میں یاد رکھیں۔
سید سعید الحسن نے اس موقع پر سعودی حکومت کا بہترین انتظامات پر شکریہ بھی ادا کیا۔
Advertisement
سیدسعید الحسن کا مزید کہنا تھا کہ حکومت تمام عازمین کو ہر قسم کی سہولت مہیا کرے گی۔
دوسری جانب سرکاری اسکیم کے تحت کل سے حج آپریشن کا آغاز ہوگا جب کہ حجاج کی واپسی 17 اگست سے شروع ہوگی اور پوسٹ حج آپریشن 14 ستمبر تک مکمل ہوگا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
