وزیراعظم کی معاون خصوصی برائے اطلاعات ڈاکٹر فردوس عاشق اعوان نے کراچی پر یس کلب کے عہدیداران سے ملا قات کے بعد میڈیا سے گفتگوکر تے ہو ئے کہا ہے کہ عمران خان کے دل میں میڈیا کے لوگوں کا درد ہے، کراچی کے صحافیوں کے مسائل ترجیح بنیادوں پر حل کرینگے۔
فردوس عا شق اعوان کا کہنا ہے کہ حکومت کے بارے میں یہ تاثر غلط ہے کہ ہم میڈیا کی آزادی سلب کرنا چاہتے ہیں، حکومت نے میڈیا پر کوئی قدغن نہیں لگائی، میڈیا کے مسائل کے حل کے لیے کراچی آئی ہوں۔
معاون خصوصی برائے اطلاعات کا کہنا ہے کہ میڈیا کو کوڈ آف کنڈکٹ حکومت نے نہیں بلکہ صحافیوں نے خود بنایا، کراچی پریس کلب کی ملک کے لئے بڑی خدمات ہیں، صحافیوں کو ہمیں سپورٹ کرنا ہے یہ ہماری زمہ داری ہے۔
ان کا مزید کہنا ہے کہ آج پاکستان کو دہشت گرد کے بجائے پر امن ملک کے طور پر دیکھا جا رہا ہے، 25 جولائی کو اپوزیشن یوم احتجاج کے طور پر اور حکومت یوم احتساب کے طور پر منائے گی، کراچی معاشی حب ہے اور آپ پورے پاکستان کا مقدمہ یہاں بیٹھ کر لڑ رہے ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
