پاکستان مسلم لیگ (ن) کےصدراورقائدحزب اختلاف شہبازشریف نےچیف سیکرٹری پنجاب کوخط لکھ کرکہاہے کہ سابق وزیراعظم نوازشریف کی جیل سےاے سی اتارنےکافیصلہ پنجاب حکومت کے میڈیکل بورڈ کی سفارشات کی خلاف ورزی ہے۔

تفصیلات کے مطابق شہبازشریف کا کہناہے کہ یہ اقدام وزیراعظم کے حکم پر کیا جا رہا ہے، چیف سیکریٹری کی توجہ پنجاب حکومت کے تشکیل کردہ بورڈ کی سفارشات کی جانب مبذول کرانا چاہتا ہوں۔

 شہباز شریف نے کہا کہ میڈیکل بورڈ کی سب سے پہلی سفارش یہی ہے کہ محمد نواز شریف کو مناسب درجہ حرارت والے کمرے میں رکھا جائے۔ بورڈ نے اپنی رپورٹ میں بتایا کہ مناسب درجہ حرارت میں نہ رکھنے سے نواز شریف کے گردے فیل ہوسکتے ہیں۔

 اپوزیشن لیڈرکاکہناتھاکہ محکمہ داخلہ کی سردمہری پرحیران ہوں کہ محمدنوازشریف کی صحت سے متعلق کلیدی نکتہ کوکیسےنظراندازکردیاگیا،سیاسی انتقام کی خاطریہ اقدام میرےقائداوربھائی کی جان پر حملہ ہے۔ اس اقدام کےمحمدنوازشریف کی صحت پرانتہائی مضراثرات مرتب ہوں گے۔

خط میں کہاگیاکہ میڈیکل بورڈکی سفارشات پران کی روکےمطابق عمل کیاجائے،تین مرتبہ کے منتخب وزیراعظم کوسیاسی دباؤکی بناء پران کے قانونی اورجائزحقوق سےمحروم نہ کیاجائے۔

 شہبازشریف کاکہناتھاکہ مجھےیقین ہےکہ آپ اس اقدام کےسنگین نتائج اورنوازشریف کی صحت پر ہونےوالےمضراثرات سےآگاہ ہیں۔

 شہبازشریف کےخط کی کاپیاں چیف جسٹس پاکستان،چیف جسٹس لاہورہائیکورٹ،ایڈیشنل چیف سیکریٹری داخلہ پنجاب اورآئی جی جیل خانہ جات کوبھی بھیجی گئی ہیں۔